Kynferðisleg uppgötvun frú Ingveldar gæti fært henni Nóbelsverðlaun

Frú Ingveldur, sem fræg er fyrir akademískar rannsóknir sínar á fullnægingum, hefir komist að þeirri niðurstöðu, að þegar hinir gráðugu og ríku koma saman á morgunverðarfundi, klæddir jakkafötunum sínum og drögtunum sínum, þá hefjist innra með þeim pornóísk dularbylgja, pervertísk og bæði hetró- og hómósexúelt, sem smám saman leiði fundarfólk inn á braut útbólginnar raðfullnæingar. Ekki þurfi annað en að sjá fréttamyndir frá sona pénígafólkssamkvæmum til að fá fullvissu um að það er þangað komið til últra-launkynferðislegrar þátttöku.

Þegar frú Ingveldur hafði komist að sinni óvéfengjanlegri niðurstöðu, vísindalegri og sannaðri samkvæmt ölluðum hugsanlegum vísindaferlum, fór hún sjálf að mæta á sona morgunverðarfundi og ársfundi osfrv. og náði með undraskjótum hætti tökum á hinu kynferðislega sem þar fer fram, en aunginn kannast við enn færri viðurkenna fyrir öðrum. 

Nú liggur fyrir vísindaráði háskólans að semja plagg um bann við morgunverðarfundum, vegna undirliggjandi ósiðsemi þeirra, sem viðbúið er að gjöri stétt betri borgara, jakkafatamanna og dragtkvenna, að úrkynjuðum vandræðaaumingjum, ef ekki illþýði af síðustu sort. Hinsvegar er sá hængur á, að stofnunin, sem á að gera plaggið að íslenskum lögum, er þannig saman sett að um harðsnúna hagsmunaárekstra verður að ræða, fyrir utan að óséð er að starfsmenn stofnunarinnar hafi yfirleitt nokkur áhuga á að forðast úrkynjun borgarastéttarinnar og séu jafnvel í þokkabót andsnúnir því að nokkuð verði gert sem raskað getur ró auðvaldsins þangað til það flýgur drullugums fram af bjargbrúinni næst. 

Geirvörtufullnæging kemur oftast óvænt