Elsku Títubarn, forsætisráðherra stendur á andskotans sama

Já Títubarn, þú skalt gera þér grein fyrir að forsætisráðherra er slétt sama um ofurlaun bánkustjóra, þetta fjas í ráðherrakindinni er bara skyldufjas til þess ætlað friða einfaldar sálir, einkum háborgaralegar íhaldssálir. So skulum við hafa í huga, að fyrir nokkru síðan voru laun þingfífla og ráðherra hækkuð upp úr öllu valdi; um tugi prósenta; ef ekki hundruði prósenta; og þessar óhemju gírugu og hálaunuðu grýlur og giljagaurar létu ekki þar við sitja og hófu stórfelldan péníngamokstur úr ríkissjóði í stjórnmálaflokkana; þar fyrir utan, Títubarnið mitt, hafa ráðherrar og þingmenn komið sér upp stórri hjörð ,,aðstoðarmanna", meðal annars hefir hefir forsætisráðherra komið sér upp kynferðisaðstoðarmanni.

Það er náttúrlega dásamlegt hlutskipti að vera hvort tveggja í senn háborgaraleg glimmerdúkka, með vélræn bros og skvettur, og gluggaskraut betri borgara og Samherja. Handan við hornið bíður sendiherraembætti. En það verður að fara varlega með sendiherra, passa að þeir fari ekki að gráta og skiptu um bleyjur á þeim þegar greyin eru búin að skíta og míga í sig. Og hvernig fór ekki með vanrækta sendiherrann, hann hafði pippað í sig og komst ekki inn í sendiherrahöllina og það var frost út. Þetta endaði með því að sendiherrann fékk sér sæti á sendiherratröppunum og fraus þar fastur, botnfraus langt upp í ristil og dó. Þegar hann var rifinn laus af tröppunum urðu báðar rassakinnarnar eftir. Þetta var allt so sorglegt.

Þannig er nú það, Títubarn, stjórnmál eru bara fyrir pelabörn, það fengum við best að sjá á Klaustumálinu alræmda. Eins og áður er sagt, þá er forsætisráðherra andskotans sama þótt bánkustjórar skræli og skafi bankana að innan og enn meira er ráðherraskömminni sama um neyð og hungur fullvinnandi launaþræla, sem er loks kastað út á götu þegar þeir geta ekki lengur greitt Gömmunum og Heimaböllunum okurleiguna fyrir íbúðarholuna. En bráðum verður bylting, elsku besta Títubarnið mitt, og þá verður forsætisráðherra sópað út á götu eins og mýslu sem borið hefir sjúkdóm í húsið. 

„4 milljóna króna laun eru ekki hófleg“