Það verður sókt heim og því steypt og sökkt

Hananú, þá gerði ríkisstjórnarfólk svo ægilega í buxurnar, að jafnvel Villi Birgis, sem kallar ekki allt ömmu sína, tók til fótanna út úr Stjórnarráðinu svo hann kafnaði ekki í eitruðum gasumekkinum sem gaus aftan úr ráðherranefnunum, einkum forsætis- og fjármálaráðherra, sem virðast haf étið einhverja andskotans ólyfjan ofan í sig. Síðan vóru Drífa ASÍ og rafmagnsmaðurinn borin út undir bert loft á börum og alls óvíst á þessari stundu hvernig þeim mun reiða af.

Þegar þessi ósnotra frétt af samkomu ASÍ fólk og ráðherra spurðist út fóru margir ofan í kistilinnn sinn og dróu upp rauða fána og heykvíslar, nokkrir sóktu atgeira sína fram í geymslu og þurrkuðu af þeim rykið. Brátt verður auðvaldið sókt heim og því steypt í eilífa glötun, sem það hefir sjálft búið sér; aunginn mun sjá eftir því óféti.

Mest verður þó um dýrðir þegar skorið verður á strengina sem halda litlu strengjabrúðunni og gluggaskrautinu uppi og hún skondrast eins og sprungin blaðra undir sófa og sé ei meir. Ekki verður þó minna dýðlegt að sjá alla tortúlugriðungana hlaupa niðr í fjöru og á haf út og freista þess að synda til Panáma og Seychelleseyja, sumir með atgeira á hálfu kafi í afurendum sínum, aðrir með heykvíslar á bóg og belg.

Tillögurnar langt undir væntingum