Eftir veruna í rassvasa Stengríms Samherja

Neineineineinei! Skríður nú ekki nema enn ein strengjadúkkan undan bæli gömlu Framsóknarmaddömunnar, strengjadúkka sem er alin upp veð frelsissöngva Samherjanna í Norðaustukjördæmi. Og auðvitað talar frú Ólsen tungum, nema hvað, allsendis óskiljanlegar hvurjum einasta manni; það sækir meira að segja hnerri að hvolpunum þegar þeir heyra á vaðalinn í henni. Hún er svo firrt, aumingja konan, eftir veruna í rassvasa Stengíms Samherja, að hún heldur að auðvaldsstjórnin sem hún er í hafi gert eitthvað sem stuðlar að jöfnuði og bættum kjörum! Eigum við að vorkenna frú Ólsen fyrir óvitaskap, eða er hún bara hringlandi auðvaldsjólatré og fylgitungl ódáma á borð við flokkseigendur VG? Vér höllumst að hvoru tveggja.

Máske hrökkur einhver við að heyra þingmann VG, ,,Vinstrihreyfingarinnar" (sem varð aldrei vinstri né græn) enduróma eins og páfagaukur talsmáta Bjarnaben, sem vinnur eingöngu fyrir sig og sitt auðvald, Engeyarmenn og Tortúlista. En það þarf aunginn að undrast: Undanrenna sem steypt er saman við kássu úr úldnum hundsskrokkum verður samstundis að sömu ýldu og fyrir var í tunnunni með úldnu hundunum. En ekkert vantar samt upp á að okkar strengjadúkka sé ekki uppstríluð, skreytt sem jólatré, stuttpilsuð og hringlandi skartgripum. 

Í næstu alþingiskosningum sem fram fara á Íslandi verður útför VG gjörð. Rytjunum af óskapnaðinum, verði þær yfirleitt einhverjar, verður kastað í gamla, hálfuppgróna mógröf; þetta heitir að vera dysjaður utangarðs á Íslandi og fellur einungis sérlegum svikahröppum og ódámum í skaut. Þá munu hverfa úr Alþingishúsinu bæði skaðræðiskvikindin og landeyðurnar sem fylla þingflokk VG í dag. Þetta verður eins og tímabær aflúsun og vonandi fylgja fleiri óþrifnaðarhópar með VG í mógröfina í næstu kosningum.

„Til­lög­urn­ar af­skap­lega góðar“