Kolbeinn flaug til Stokkhólms í morgun

Í morgun hóf Kolbeinn Kolbeinsson, margfaldur vinur okkar allra, opinbera heimsókn til Svíþjóðar með því að stíga um borð í fluguvél Icelandair, sem beið tilbúin á Keflavíkurflugvelli eftir því að flytja þennan óumdeilanlega ástmög þjóðarinnar til fundar við ráðamenn í Stokkhólmi. Því miður, því miður, óru áhöfn vélarinnar og nokkrir almennir farþegar, sem fengu að fljóta með í blóra við vilja Kolbeins. Og hvernig sem nú annars á því stóð, þá sló þegar í brýnu milli Kolbeins og flugfreyjugengisins, sem tók á móti okkar manni eins og grimmar hænur.

Kolbeinn og hans föruneyti er hinsvegar ekki fólk sem lætur hlut sinn fyrir leiðindaskjóðum og leið því ekki á löngu, að Kolbeinn næði að læsa klóm sínum á undurviðkvæman stað innundir flugfreyjupilsinu svo viðkomandi freyja teygði sig upp eins og hún hefði gleypt hrífuskaft og gól. Rétt í þessu kom flugþjónn aðvífandi með miklu fasi, en Brynjar Vondalykt tók hann hreðjataki og kreisti og kreisti þar til þjónninn lyppaðist og krumpaðist niður eins og fullbrúkuð tannkremstúpa. 

Þegar þarna var komið sögu fór hin flugfreyjan að öskra eins og naut á flugstjórann og grátbæna hann um að koma aftur í og taka þessa djöfla, sem komir væru inn í vélina í annarlegu ástandi, sennilega í þeim tilgangi að fremja terrorism. Sem betur fer lét flugstjórinn ólæti og vein flugfreyjanna og fluguþjónsins sem vind um eyru þjóta og ræsti hreyfla flugvélarinnar með hraði og hóf ferðina til Stokkhólms. Alla leiðina gekk á með róstrum á suguklass (kallað ,,saga klass", eða eitthvað soleiðis á fagmáli) og mátti Indriði Handreður setjast ofan á brjáluðustu flugfreyjuna og flugþjóninn, sem hafði sturlast við meðferðina Vondulyktarinnar. Flugvélin komst svo heilu og hödnu á áfangastað og tók svenski kóngurinn og forsætisráðherra hans á móti Kolbeini og íslensku sendisveitinni, en Wallander lögreglumaður tók hina annarlegu áhöfn flugvélarinnar úr umferð og færi í fangaklefa. Aðspurður sagði Wallander fjölmiðlum að sona flugfólk væri að vísu vel þekkt í Rússlandi, en þetta væri í fyrsta skipti sem hann hefði rekist á viðlíka ósköp frá Íslandi.                                                  

Flugdólgur kýldi lögregluþjón