Getur verið að Kata stutta, Stenni og Swabbi hafi þegið skemmtiflug af Pittigrilla?

Það er, skal ég segja ykkur, ekki minna en einkar hugnæmt, fyrir forsætisráðherrann, Kötu stuttu og eigendur hennar, Nató-aðdáendurna frægu, Stengrím johohohoð og Swabba Sendiherra, að ítalski loftherinn kominn til skjalana á Íslandi og sem fyrr undir stjórn Pittigrilla yfirhálofthersforingja. Ítalski loftherinn er auðvitað hingað kominn til að láta íslenska stagkálfa dást að einkennisbúningum þeirra og flugmaskínum og ekki hefir staðið á íslenskum hernaðarsinnum að skeiða suðrá völl til að nudda sér eins og hungraðir fresskettir utan í borðalagða leggi hinna ítölsku ofumenna.

Og Pittigrilli er enn við sama heygarðshornið og hefir nautn af að reka fótinn í Íslendingana og láta þá kenna göngustaf sínum gullbrydduðum með demantshnúð á endanum. Í hvert skipti sem Pittigrilli sparkar í hina íslensku gesti sína suður á velli eða slær þá í hausinn með stafprikinu þá slá eða sparka Íslendingarnir aldrei til baka. Ónei. Þeir leggjast flatir í duftið fyrir Pittigrilla og sleikja skó hans með tungunni. Þó ættu þessi íslensku hundsspott að vita að Pittigrilli er ekki meiri fyrir mann en svo, að hann lét fermingarstrák flengja sig fyrir framan Hotél Borg einn daginn. Það sjá auðvitað allir, nema þeir staurblindu, að lítið mundi verða úr slíkum rindli og sperrilegg ef hann lenti í hörðum slag við rússneskar hetjur, afkomendum Leníns og Stalíns.

Í dag situr aunginn á Alþingi, sem er nógu buðugur til að spyrja hvort það geti verið að Kata stutta, Stengrímur og Swabbi hafi farið með í skemmtiflug í boði Pittigrilla með atómsprengjuflugvélum hans. Vitað er að Hanez Holmstone og nokkrir hans líkar vóru með Pittigrilla í för þegar hann lenti í fermingarstráknum og þá sýndu hinir íslensku vinir loftorustuhershöfðingjans úr hvurju þeir eru gerðir og lögðu á flótta. Og Pittigrilla hefir líka verið boðið í Framsóknarfjósið og fékk að skríða undir sæng gömlu Maddömunnar, sem bæði var full og villt við það tækifæri. Best væri þó, að Rússarnir mundu stökkva Pittigrilla og hans sveit á flótta og setjast síðan um hina blauðu og ofuróheiðarlegu ríkisstjórnarnefnu Íslands. Piccoli libri della patria. 

Rússar innan loftrýmissvæðisins