Sámur verður Glámur og aunginn Grettir til að ráða niðurlögum hans

Það gæti auðveldlega orðið grátt gaman að klóna Sám því ekki þarf mikið að fara úrskeiðis svo af verði mikill voði. Fljótt á litið lítur sona ljósritun á hundi, seppatetri, vinalega út. Eins og flestir vita hefir dálítið verið fiktað með klón hér á Íslandi í áranna rás, já, eiginlega síðan í fornöld þá kappar riðu um héruð.

Einhverju sinni klónuðu þeir sænskan þorpara, Glám að nafni, og slepptu honum lausum norður í landi. Ekki var Glámur fyrr klónaður en hann vóð um völlu víða og myrti búsmala og beitarhúsamenn með því að kremja þá í kássu. Loks hugðist Glámur aflífa Gretti Ásmundarson, einn okkar vaskasta mann. En Grettir var sterkur og snar í snúningum og snöri bardaganum sér í vil og fór svo að Grettir kramdi Glám til dauðs og skar af honum hausinn fyrir durum úti. Lítið var skárra þegar fúskarar í Eyjafirði reyndu að klóna dulítin bolakálf; það hljóp allt í eitt andskotans óefni og úr varð harvítugur tuddi, Þorgeirsboli, sem deyði margann mannin og marga húsfreyjuna áður en yfir lauk.

Telja má líklegt að klónunin á Sámi fari öll í handaskolum og úr verði blóðgrimmur klónaður og afturgenginn rakki, sem ekki mun sjá sig úr færi með að ráðast á hvurn mann og rífa hann á hol. Og sá er munurinn nú og forðum, að ekki eigum vér neinn Gretti til að ráða niðurlögum svo á svo böldnu hundskvikindi; er líklegt að vér munum fá oss fullkeypta á að hafa þessháttar óáran valsandi meðal vor. Og einhverjar sögur eigum vér af illum rökum sem vóru hálir klónaðir og hálfir afturgengir draugar og morðingjar og illræðisskepnur. Því biðjum vér frú Dorrittu að fara sér hægt við að klóna Sám, því reynslan hefir sannað oss að Sámur verður auðveldlega Glámur við klónunarfikt.

Klónunarferli Sáms hafið

Athugasemdir

[Þorsteinn Siglaugsson, 19.3.2019 kl. 10:38]

Hann verður í tvíhnepptu með gullspangargleraugu og gráan lokk þessi, þegar búið verður að klóna hann. Þarf enginn að segja manni að Óligrís hafi ekki átt aðeins við lífsýnin.