Áfram félagi Aðalsteinn Árni Baldursson

Af hverju í andskotanum skrifar formaður Starfsgreinasambandsins, fraamsóknarfrömuðurinn mikli, ekki undir þessa skeytasendingu til félaga Aðalsteins og Framsýnar? Sagði hið undirförula framsóknareðli hins tannlausa sjakala honum að láta eina auma og lítilsiglda búrtík með skitu kvitta undir þvæluna.

Ég efast ekki um, að félagi Aðalsteinn hefur í núríkjandi kjarasamningabasli orðið margs vísari um raunverulegt innræti framsóknar- og kratagarmanna, sem eftir eru í skemmdarveradeild íslensks verkafólks. En brátt er tími hinna rammfölsku stéttasamvinnusinna og vikapilta auðvaldsins innan verkalýðshreyfingarinnar liðinn þannig að þeir þurfa ekki að standa í bréfaskriftum og skeytasendingum meir við heiðarlega verkalýðssinna eins og félaga Aðalstein.

Nú, sjakalaskepnurnar tannlausu eru í skeyti sínu eitthvað að ýlfra um að þeir muni aldrei semja um að rýra kjör ,,síns fólks" (eins og þessi helvítis endemi eigi eitthvert fólk), en því er til að svara, að enginn verður kenndur þar sem hann kemur ekki og það þýðir ekki fyrir giljagaura undir forustu eins framsóknarmanns úr Eyjafirði að bera á borð fyrir mig að félagi Aðalsteinn sé lygari og hann sé að ljúga því upp að framsóknarmaðurinn og hans nótar í samninganefndinni hafi ljáð máls á kröfum auðvaldsins um breyttan dagvinnutíma og fleira í þeim dúr. En af félaga Aðalsteini er það að segja, að þar fer sannur verkalýðssinni, sem veit hvað hann syngur og er margfalt, margfalt áreiðanlegri og sannari en afgangurinn af samninganefnd Starfsgreinasambandsins, sem hann hefur nú yfirgefið.

SGS svarar Aðalsteini