Of náin kynni við Bolarassgatið.

Þá er menningarlegt og siðferðilegt skipbrot Noregs óumflýjanlegt úr því þeir hafa slysast til að taka helvíska íslensku búllustöppuna inn til sín í Ósló. Það var svo sem viðbúið að þannig mundi það fara fyrir Norsunurum; mönnum hefnist fyrir að gera narr að Íslendingum og beygja þá undir sig eins og hunda eins og þeir gjörðu 1262. Kristófér Todd er síðan kapítuli út af fyrir sig og vel trúandi til að ganga hressilega frá Norsaranum.

Þegar þeir þarna í Norðvegi verða farnir að éta búlluglundur fyrir alvöru fara að verða smá-ýfingar með mönnum austur það og upp úr því er stutt í heipúðuga borgarastyrjöld, sturlungaöld, með öllu sem þvílíku ástandi fylgir. Og þegar allt er komið á fulla ferð, þá gérum vér Íslendingar okkur ferð til Stafangurs og tökum Noreg og færum undir oss ásamt með öllum lýð og ólíusjóði. Þá verðum vér rík og stór og konur vorar enn geggjaðri en áður og fyrr.

Þá man eg allt í einu eftir kerlingarsauði í Egersund í Noregi sem við kölluðum Bolarassgatið því buxurnar náðu ekki upp fyrir rassaskoruna á henni. Þrátt fyrir það hafði hún höndur í hári tveggja skipsfélaga okkar og afsveinaði þá án tafar og minnsta samviskubits. Þegar við snörum ferð okkar aftur til Íslands og drengirnir hunskuðust heim til sín, börðu mæður þeirra þá til óbóta fyrir að hafa stofnað til náinna kynna við Bolasassgatið.  

Búllan skýtur rótum í Noregi