Síra Baldvin varð fyrir álíka áreiti í Austurstræti

Það er naumast að Ísraelsmenn telja Baldur Þórhallson mikinn mann. Við sem þekkjum betur til vitum að Baldur er óttalega lítill og aumur kratakútur og til viðbótar ESB trúar, liggur á bæn í tíma og ótíma, snýr ásjónu sinni til Brussel og hefur yfir lítilfjörlegan bænasöng. Það þykir ósköp smákátlegt að sjá þennan doktór og prófoss í ESB kjökra bænaköll sín út í heiðríkjuna, en svona kemur krataeðlið fram í sumum mönnum og þeir geta ekkert við því gert. 

Hins vegar hafa Gyðingar aðra skoðun en við á Baldri ESB Þórhallssyni: Þeir eru sem sé þeirrar skoðunar, að Baldur okkar sé hið versta óhræsi, gyðingahatari með eindæmum fyrir nú utan að eta börn. Þessi ógurlega afstaða manna í Ísrael er þess eðlis, að ríkisstjórn Íslands ætti að slíta stjórnmálasambandinu við Ísrael undir eins og setja viðskiptabann á landið um leið. Það væri líka réttlætanlegt hjá utanríkisráðherra okkar, Guðlaugi a. Þórðarsyni, að skjóta eldflaug á þetta lið og sýna þeim að Íslendingar eru menn með mönnum í heiminum.

Eitt sinn var síra Baldvin á gangi í Reykjavík, það var að mig minnir í hitteðfyrra. Og í Austurstræti viku sér að honum tveir jakkafataklæddir götustrákar með prófgráður frá Heimdalli og spurðu hinn æruprýdda sóknarprest og prófast til Gemlufallsþinga hvort hann væri músslímadjöfull og hvort soa deli ætti ekki að koma sér aftur til Arabíu. Þessari krefjandi samviskuspurningu drengjanna svaraði síra Baldvin einfaldlega með því að þrífa til piltanna og slá þeim saman eins og marhnútum og leggja þá síðan í öngviti á strætið. Síðan hélt síra Baldvin leiðar sinar, en allir sem atburðinn sáu fylltust lotningu og spurðu hvurjir aðra hver þessi maður væri.  

Kallaður gyðingahatari í Tel Aviv