Andstyggileg glæpahneygð gamalmenna

Ekki eru þau barnanna best hin gömlu hró þegar morð og þvíumlíkur kvikindisskapur er annars vegar. Gamli Kolbeinn Kolbeinsson, faðir hins fræga Kolbeins Kolbeinssonar skrifstofumanns og framsóknarmanns, hefir drýgt marga og ljóta glæpi, heldur óvinsæla og illhryssinslega, eftir að hann varð löggilt gamalmenni. Og eftir að hann gjörði innreið sína á dvalaheimili aldraðra hefir keyrt um þverbak í glæpaeðli þessa andna illmennis.

Eflaust eru glæpir Kolbeins mun fleiri en hann er grunaður um og aunginn þeirra hefir verið sannaður á hann. Það þótti dálítið kyndugt, að var komið einn morguninn, skömmu eftir að Kolbeinn gamli settist þar að, lágu þrír heimilismenn steindauðir í rúmi eins þeirra. Tveimur mánuðum síðar fannst fortöðukona dvalarheimilisins dauð utan vegar milli heimilis síns og elliheimilisins, lá hún þar í þýfðum sinurudda eins og skotinn fugl. Bárust böndin mjög að Kolbeini Kolbeinssyni hinum eldra, að hann mundi hafa unnið á forstöðukonunni er hún var á leið til vinnu árla mjög, en hún hafði skömmu áður mógað Kolbein og hótað honum brottrekstri af elliheimilinu.

Hitt þókti sannað, og þó ekki alveg, að Kolbeinn gamli hefði handleggsbrotið gamla frauku þar á heimilinu með því berja hana harkalega með stafnum sínum. Einnig er talið að hann hafi hrint nokkrum íbúum dvalarheimilisins niður stiga, hrætt tvær virðulegar frúr til bana með viðbjóðslegum hótunum um líkamsmeiðingar af kynferðislegum toga. Af þessu geta allir séð, að aldraðir borgarar eru vísir til, sakir grimmdar, að vera lífhættulegir öðru fólki og sérdeilis líklegir til að keyra öxi, að fornum sið, í hnakka náúnga síns.

102 ára grunuð um morð