Myndirnar gefa glögga mynd af viðskilnaði hrunósanna

Myndirnar úr Sundhöll Keflavíkur gefa ákaflega glögga mynd af því hvernig umhorfs var í Reykjanesbæ þegar loksins tókst að flæma Sjálfstæðisflokkinn þar frá völdum. Einnig veita myndirnar sérstaklega góða innsýn í þann heim sem blasti við Íslendingum eftir að Sjálfstæðisflokkurinn, með hjálp Framsóknar og krataeðlisauðnuleysingjanna úr Alþýðuflokki og Samfylkingu, höfðu keyrt allt í klessu í hinni fávitalegu nýfrjálshyggjurússíbanareið.

Það hlýtur að gleðja glyrnur gamalla íhaldshjassa og örlítið yngri nýfrjálshyggjufífla að leiða Sundhöll Keflavíkur augum og dást að hinni framtakssömu poletik skipulögðu samtakanna, sem hafa á sinni könnu ekki ómerkari þjóðþrifafyrirtæki en ójöfnuð, fjárglæfrar, auðlindaþjófnað og fjölmarga fleiri óknytti sem of langt er upp að telja. Og eflaust eru götustrákarnir, sem köstuðu stólunum í tóma sundlaugina og krotuðu klám og ókvæðisorð upp um veggi, sannir nýfrjálshyggjupiltar því verkin sýna merkin, svo ekki verður um villst.

Svo er verið að fárast yfir frjálshyggjupostulunum sem sprautuðu táragasi á lögregluprjónana á Norvesturlandi á dögunum; þeir töldu sig eiga allt og mega allt, þar með talið að gusa táragasi upp í svínsglyrnurnar á Hálfdáni varðstjóra. Til frekari glöggvunar skal tekið fram, að umræddir postular eru vinsælir hægrimenn, sem sé þeir Brynjar Vondalykt og Óli Apaköttur. Hvernig áttu þeir að vita að Hálfdáns varðstjóra, sem aldrei hefir gott í hyggju, væri von með uppistand og læti? En það var sjón að sjá fyrir nærstadda að sjá á hlaup og hringsnúninga varðstjórans þegar hann óð um með augun stútfull af eitruðu táragasi, sem Vondalyktin og Apakötturinn höfðu fengið sent flugleiðis frá samtökunum sem kenna sig við kapítalískt ríki. 

Allt í rúst í Sundhöll Keflavíkur