Helteknar af áfallastreituröskun eftir aðfarir grýlunnar miklu, Brýgítu Monsters

Nú eru uppi dagar hinna miklu játninga hjá Pírata-hjörðinni og hvur píratakonan af annarri brýst fram á sjónarsviðið og lýsa yfir að þær séu helteknar af áfallastreituröskun vegna Brýgítu; ættu þessar eiginir ekki að fara í skaðabótamál við Brýgítu, krefjast tug milljona í bætur og helst að fá Brýgítu kerlíngu dæmda til ævilangrar þrælkunar í tugthúsi, já eða í haughúsi fjóss, sem væri líklega enn betra.

Samkvæmt lýsingum hinna óhamingjusömu stúlkna úr Píratastandinu er Brýgíta gamla algerð Grýla að viðbættum Leppalúða; hún er svo ísmeygilega vond og gegnsósa af mannhatri og siðferðisvillu, að það er blátt áfram stórhættulegt að koma nálægt henni, jafnvel hættulegra en að vera samvistum við gemlinga með ebólu og ecólíbaktéríu. Það var því mikið gustukarverk hjá Helga Hrafni að hrinda þessari vondu djöflagrýlu fyrir hin poletisku björg og hinum Pírötunum til óstjórnlegs sóma að hafa aðstoðað Hrafnsungann dyggilega við hið mikla þjóðþrifaverk.

Þegar betur er að gætt, má sjá í hendi sér, að allir flokkar ættu að taka sér Hrafnsungann og Píratanan sér til fyrirmyndar í Brýgítu-málum. Til dæmis átti fólkið í VG fyrir lifandis löngu að hafa afgreitt Stengrím J. á sama hátt, snúa hann niður á hornunum og færa hann Sorpu að gjöf; hið sama áttu þau að gera við hina aumingjana í Flokkseigendafélaginu. Þetta gerðu Framsóknarmenn við endemið Sigmund Davíð og mun það þjóðþrifaverk lengi rómað með lýðnum. Kjósendur sjálfir afgreiddu verstu loddara Samfylkingarinnar með því að fella þá af þingi, og hið sama gerðu þeir við þunnildisflokkinn Bjarta framtíð. Sjálfstæðisflokkurinn er aftur á móti samur við sig, þar gilda önnur og myrkari lögmál; ef þeir ná ekki að fá þann næstversta til trúnaðarstarfa taka þeir hiklaust þann versta og lengi getur vont versnað á þeim bæ, skal ég segja ukkur. Já. 

„Þessi óreiða bjó til einræðisherra“