Brandur Jónsson og afrek hans.

Hér gefur að líta heiðursköttinn og veiðiklóna Brand Jónsson.

Eins og við var að búast hefur Brandur Jónsson haft í mörgu að snúast þessa dagana við að taka á móti farfuglum sem komið hafa í flokkum til okkar á Snæfellsnesið. Nú þegar hefur hann lagt að velli á níunda tug fugla af mörgum stærðum og tegundum, ber þar hæst grágæs nokkra sem hann tók af lífi án nokkurrar miskunar niðri í Dal á bökkum Hvalsár.

Meira verður sagt frá snörpum viðskiptum Brands við nýaðkomið fiðurfé á næstunni. 

 

Athugasemdir

[Svava frá Strandbergi , 28.5.2007 kl. 23:02]

Ég get ekki annað en hlegið þó mér þyki vænt um fuglana og hafi einu sinni bjargað skógarþrastarunga frá því að lenda í gininu á ketti. Ég setti ungann í gárabúrið og lét gaukinn vera úti. Unginn var svo feitur að hann ætlaði aldrei að hafa sig upp á prik í búrinu. Svo mataði ég hann á ánamöðkum og páfagaukurinn svaraði alltaf kallhljóði ungans með einhverrju nýju blíðu kurri. Daginn eftir fór ég með búrið út í garð og skildi það eftir opið. það leið ekki á löngu þar til annað foreldrið kom og sótti ungann sinn og þeir flugu burt hæstánægðir og ég líka.

[Svava frá Strandbergi , 28.5.2007 kl. 23:04]

1. Nei annars ég flaug ekki líka burtu hæstánægð, ég stóð reyndar og horfði hæstánægð á eftir þeim.