Undanrennu-Kata kyssir og kyssir og brotnar á bak aftur af fögnuði

Það er ógn mikið um kossaflens og kjass hjá henni Undanrennu-Kötu þessa dagana. Fyrir nokkru síðan brotnaði hún á bak aftur framan í NATO-framkvæmdastjóranum  Stoltenberg, í gær kyssti hún dvergjökulinn Ok bless um leið og hún kyssti gamla íraforsetann á gumpinn. Í dag tók hún kyssandi á móti Lafa svíaráðherra, sem lítur út eins og tuddi í jakkafötum. Og bráðum fær litla, seiga, undarennuöndin að faðma og kyssa varaforseta Trumps; það held ég verði nú meiri fagnaðarfundurinn, sem áreiðanlega gefur ekki endurfundum ungra elskenda með hormónastarfsemina í hæstu hæðum ekkert eftir í atlotum og dæsingum.

Mikil er sú upphefð sem Undanrennu-Kötu hefir hlotnast, alsendis á óvart og án nokkurra verðleika af hennar hendi. Oft hefir hún kvakað: ,,é í bólitikk til að ha-a áhrif" og þanið þverrifuna aftur á hnakka, báðu megin, tekið gífurleg bakföll og kvakað milt ofan í hálsmálið. Það bara liggur við að margur öfundi telpugarminn af allri upphefðinni. Og þó. Það er ekki eftirsóknarvert að vera fyrst gluggaskraut flokkseigenda VG og síðar gluggaskraut bæði VG og Sjálfstæðisflokksins og skiptast á matarboðum við Bjarnaben; þessháttar er fyrst og fremst skammarlegt og vekur með fólki það sem nú til dags er kallað kjánahrollur; fólk fer hjá sér að horfa upp á þá klígjandi lágkúru sem sem Flokkseigendafélag VG og Undanrennu-Kata bjóða því upp á.

Núnú, það liggur sem sé fyrir, að áhrifin sem Undanrennu-Kata og hennar eigendur hafa borið úr bítum, er áðurnefnd klígja og hlandaulahrollur kjósenda, sem sumir hverjir trúa ekki sínum eigin augum og eyrum. Mér sjálfum koma asnalæti og smjaður flokkseigenda VG við Sjálfstæðisflokkinn og broddborgarastéttina aldeilis ekki á óvart; það var nefnilega ekki við öðru að búast. Náttúrlega halda þeir, sem eru hrifnir af framgöngu Stengríms, Álfheiðar og Svavarsfjölskyldu Sendiherra og gluggaskrautsins þeirra, áfram að kjósa VG, enda ekki annað að skilja en þeir hafi einmitt ætlast til þessara fyrirliggjandi skrípaláta af eignunum. Hinir, sem ekki vilja taka lengur þátt í ruglinu, skulu skríða eins og blauðir hundar undir borð og ekki láta í sér heyra.  

Ráðherrarnir streyma til landsins