Það verður sljótt, afkastalítið og lognast út af eða gengur af vitinu

Grænmetisát og bauna er vísasti vegurinn til að gera fólk sljótt, dómgreindartruflað og afkastalítið. Þess utan eru það auvirðilegar kérlíngarbækur, að kjötnautn og griparæktun eigi sök á kolefnissporum og hamfarahlýðnun af mannavöldum; í mesta lagi getur góð steik stuðlað að eftirsóknarverðri samfarahlýnun, sem er heilnæm og bætandi. 

Svokallaðir ,,grænkérar" er náttúrulega svæsinn öfgatrúflokkur, hliðstæður þeim flokki sem trúir á kannabis og guðlegan lækningarmátt þess. En vegantrúarbrögðin eru fyrir sinn hatt ákaflega lík þeim fyligsmönnum Múhámeðs spámanns sem kenndir eru við talíban. En það versta við grænmestis, bauna og vegantrúarbrögðin er hve safnaðarmeðlimum þess er gjarnt að sturlast, eða lognast út af á besta aldri án þess að raunveruleg dánarorsök sé ljós; fólk sem var heilbrigt fram yfir unglingsár fer allt í einu að dofna upp, trénast og hálfpartinn gufast upp; þegar betur er að gáð sannast að sá burtsofanaði var hirðsveinn vengans og grænkérs.

Okkar bestimaður hér á Snæfellsnesi, Þórður skáld, listmálari og sjómaður frá Dagverðará, hafði óbeit að grænmetisáti en lifði mest á hrútakjöti, einkum hnakkapiki hrúta, var einhver mest og best lifandi Íslendingur sinna daga, sem spönnuðu rétt tæpa öld; veganisti dagsins í dag hefir venjulega geyspað golunni af ódöngun fyrir þrítugt. Annar Snæfellingur, einnig nafntogaður, Pétur Hoffmann Salómonsson heljarmenni af fornmannakyni óspilltu, segir frá átvenjum tígra og leóna í veraldarsögu sinni, hvernig þessar skepnur brúka einlægt örlítið af grasgornum í vömbunum á dádýrinu með kjötinu af bráðinni, rétt eins og við höfum smávegis af kartöflum og stundum grænum baunum frá Ora með blóðsteikta tuddaketinu eða dilkssíðunni. Það segir sig sjálft að af miklu kjöt- og fiskáti verðum við hraust og með réttu ráði, en ef við hættum að eta lifandi skepnur og snúum oss alfarið að því að bíta gras eins og sauðnaut, sem okkur er ekki eiginlegt, þá mun mannkynið drepast úr drullupest og óyndi án þess að kolefnissporin þess minnki eða hamfarahlýnunin dragist hætishót saman. 

„Einfalt og sjálfsagt“ að sleppa kjöti