Bröndóttir fánar kvennfélgas alþýðu og Advanía-auðvaldsins eiga að hræða og pirra Pennsarann

Á skrifstofum kvennfélagsins Eflingar finnast aungvir rauðir fánar, þeir fóru allir undir pottinn við undirskrift kjarasamninganna í vor. Ef sæmilega er leitað um kontórinn þeirra Bandaríkja-Sollu og Amríku-Vidda má aftur á móti finna þeim mun fleiri bröndótta fána, en það eru kyndug flögg til heiðurs bröndóttum köttum og bröndóttum kúm, en þær síðarnefndu ku eiga mjök undir högg að sækja nú til dags; til dæmis er algengt viðkvæði kúbænda dagsins í dag að nú hafi þeir hakkað hevítis bröndóttu beljuna í gær og séu þar með dæmdir til að éta kétfarsið af henni fram að jólum.

En bröndóttu fánarnir er sem sé dregnir að húni í dag utan við höfuðstöðvar alþýðunnar; einnig hefir auðvaldsfélagið Advanía látið draga samskonar flögg upp við sínar höfuðstöðvar. Tilgangurinn með þessum hátíðarhöldum er, að því manni er sagt, að pirra varaforseta Bandaríkjanna og hræða og sýna honum fram á að hann eigi sjálfur að gjörast bröndóttur og helst að láta gelda sig í leiðréttingarskyni.

Ekki er samt víst að Pennsarinn komist í vont skap þótt hann sjái hin bröndóttu flögg álengdar. Pensarinn er nefnilega kræfur karl og hraustur, sem gerir sér ekki rellu út af fánum utan við andlega moldarkofa alþýðunnar og auðvaldsins. Pennsarinn er skohh maður kristinn, þó hann hafi skömm á því sem haft er eftir Jésú Kristi í guðspjöllunum; so er kalluglan Repúblíkani, en það er mjög hinsegin söfnuður í Amríku, herskár og ógn kaldur í merkingunni fífldjarfur.

Hinsegin fánar í Guðrúnartúni