Þau fá nærbuxur og bláa kjóla

Sjáiði piltinn Johnny Boy, hann er skohh ekki banginn við að hjóla í undrið frá Brúarlandi, Stenngrím, þem þó er Samherji Johnny Boy, og örgluggaskrautið, sem minnkar og minkar dag frá degi. Nú skal spyrnt við fótum og farið í dauðhreinsunarleiðangur um ríkisstjórnarlendurnar og þegar kolbítur, sem lengi hefir legið og ornað sér við steikaraofninn í Valhöllu, skríður loks úr hýði sínu er voðinn vís því sem slíkur eirir hann aungvu sem honur er ekka að skapi.

Er nú sem sjáist fyrir endann á stjórnarfári Bjarnaben og Katrínar og mun Bjarnaben í framhaldinu gert að finna nýja hækju, sem ekki teflir í tvísýnu öflun rafurmagns fyrir sæstrenginn góða, sem bíður handan við hornið og mun gera nokkra bónbjargarmenn á snöpunum feykn ríka og mikla menn. Bjarniben getur vel tekið Miðflokkinn upp í til sín, því að í flatsæng hans kuðlaðri og þefmikilli er hátt til lofts og vítt til veggja, en Miðflokksmenn virkjunarmenn meir en í meðallagi og meir en ákafir í að tengja sig við sæstrenginn þegar öllu verður á botninn hvolft.

Og af því Bjarniben dubbaði í gær upp hvítvínslegna humarbarnið til ráðherradóms, gæti hann líka tekið Píratabörnin upp að hjarta sér og gert að ríkisstjórnarfólki. Herra McCarthy litli og Mogensentelpan mundu falla eins og flís við rass við hliðina á hvítvínsmaríneraðri og humarétandi Valhallardömunni í ríkisstjórn. Hinsvegar, ef Johnny Boy fær að framkvæma ætlan sína og sprengir ríkisstjórna í tættlur og í háaloft þá er ómögulegt að segja hvar og hvernig ráðherrar og þingstúfarnir koma niður og allt fer í kosningar með ófyrirsjánlegum afleiðingum. Þess vegna verður Bjarniben að koma í veg fyrir sprengingar og hengingar með því að kippa Johnny Boy inn í ríkisstjórnina, kasta Stenngrími og hans dóti út á klakann, en stað þess bjóða Miðflokkungum og Pírötum í bæinn og bjóða þeim ráðherrastóla, spillingarbittlinga, bysskubbsstóla, nærbuxur og bláa kjóla.

Þingmaður hótar stjórnarslitum