Nú er poletisk sláturtíð í vændum

Nú líður senn að sláturtíð á Íslandi, blessunarlega segja sumir, og eru þegar farnir að brýna hnífgélurnar sínar og ketaxir. Í poletikinni verður líka brátt sláturtíð, þar sem okkar fræknustu auðvalds- og íhaldsberserkir vaða upp í hnésbætur í poletisku blóði hins blóðlausa VG. Og þó að Katrín reyni af mætti að koma sér enn meir í mjúkinn hjá Engeyingum og arðránsklíkum Sjálfstæðisflokksins með því að éta ofan í sig hraðar skattalækkanir auðherrana eins og vambsíður Repúbíkani, þá verður henni ekki þyrmt í yfirvofandi hildarleik.

Það er nefnilega þannig, að innan Sjálfstæðisflokksins ríkir sá andi, að VG liðið séu úrþvætti, sem nota megi tímabundið í hallæri, en þegar hallærinu sé lokið þá eigi að spraka gríðarlega fast í rassgatið á íhaldssleikjunum í VG, fara yfir þær með plóg og herfi og moka þeim að lokum ofan í mógröf eða skurð fjarri mannabygðum. Vissulega eru sláturvélar þokkapiltanna í Sjálfstæðisflokknum komnar í gang og starfsmennin þar byrjuð að hafa í flimtingum neyðarlega hláleg örlög ríkisstjórnar Katrínar Jakobsdóttur, þeirrar ríkisstjórnar sem Sjálfstæðisflokkurinn skammast sín niður fyrir allar hellur fyrir að hafa átt aðild að.

Í staðinn fyrir niðurlægt og fíflað VG munu Engeyjingar leiða Miðflokkinn til öndvegis og trúlega Pírata líka. Þegar þar verður komið má heita ótrúlegt annað en að VG taki af skarið og fari að dæmi Júdasar heitins Ískaríót og hengi sig frá skildingunum sem Sjálfstæðisflokkurinn gaukaði að þeim í upphafi fyrir að hafa afnot af VG-kjánunum í ríkisstjórnarskyni. Trútt er að nú séu flestir í Flokkseigendafélagi VG, en það er eina fólkið sem eftir er í því félagi, komnir með blautan botn eftir að orðrómurinn um stjórnarslit og brottspark VG hvisaðist út. En það er allt í lagi, farið hefir fé betra. 

Vonar að hröðun skattalækkana mælist vel fyrir