Þeir hafa ekkert með stjórn að gera

Puhhfp, hvurn fjandann hafa Færíngar að gera við stjórn? Nú, náttúrlega ekki neitt. Hins vegar væri betra að Íslendingar gerðu út leiðangur og tækju þessar fjárans eyjar af kurfunum þarna. Það mundi ekki þurfa nema eitt fallbyssuskot frá herskipinu Tý og Færíngarnir mundu allir, allir sem einn, skríða niður í kjallarana sína og þora þaðan aldreigi út aftur. Í leiðinni tækjum við Shetlandseyjar og Orkneyjar af Skotum; þar mundi heldur ekki þurfa nema eitt fallbyssuskot frá Tý og eyjarnar væru okkar.

Vér komum við í Þórhöfn í Færeyjum fyrir rétt stinnum fjörutíu og sjö árum. Þar hittum vér fyrir sérlega léttlynt fólk og aungvu var líkara en blessaðar telpurna þar væru allar á einhverjum últrahormónagjöf því þær bókstaflega frísuðu þegar þær sáu oss. Á Shetlandeyjum hittum vér fyrir pungsuguna, ákaflega líflegan kvennmann með passlega hátt siðferðisstig. 

Það er því samanlagður skilningur vor, að eyjaskeggjar, hvárt heldur  er í Færeyjum, Shetlandi eður Orkneyjum, hafi sökum fyrirliggjandi siðferðisbrests ekkert með sjálfstæði að gera í nokkru einasta máli. Fyrr á öldum skutu gráðugustu evrópuþjóðirnar styrkum, óvinnandi stoðum, undir kapítalismann með gengdarlausri þrælaverslun; þessi endemi, Englar, Saxar, Fransósar, Spanjólar, fóru siglandi til Afríku og veiddu þar fólk sem þeir fluttu til Amríku og gerðu að þrælum sínum. Mest þókti heillandi þegar kapítalistarnir komu blaðskellandi heim með fulla lest af sykri, sem gerði varla annað gagn en að gera Engla og Fránka tannlausa. Útgerðarmennirnir, sem gerðu út á þræla og sykurgerð, urðu fyrir vikið miklir menn og hafa síðana ráðið öllu sem hægt er að ráða á Vesturlöndum. Já, það er oss sönn ánæga að tilkynna, að eignarnám vort á eyjum og hólmum í Atlandshafi mundi leiða til æglegrar velsældar á Íslandi með áður óþekktum hagvexti og vergri landsframleiðslu.  

Ný stjórn tekur við völdum í Færeyjum