Tveir undarlegir heimsendaheimspekingar

Þá hefir Brúarlandsundrið lýst yfir heimsendi, á afar fjálglegan hátt. Láti Guð gott á vita; heimsendir er alls ekki svo slæmur þegar alls er gætt. Nú berast oss fréttir af öðru undri, sem skorið hefir upp herör gegn komandi kynslóðum og vill ýmislegt til vina að ekkert verði úr komandi kynslóðum, sem sé að þær verði aldrei að verulega, fæðist aldrei. Þetta er líka krassandi heimsendaheimspeki, ekki síðri en sú er umhverfisundrið í umhverfisráðuneytinu boðar.

Það sem er verulega gott við þessa heimsendaspámenn báða, er það að þeir eru báðir í Ríkisstjórnarflokknum og samstíga við að vinda bráðan bug að lokum þessa hvimleiða og erfiða jarðlífsbasls, sem alla er að drepa sökum skorsts á fjarmagni og nægilega góðu frelsi til að arðræna skrílinn enn betur til heilla fyrir ársreikninga fyrirtækjanna. 

Það var aftur eitt, sem Brúarlandsundrið gleymdi að gera skil í ræðu sinni yfir ASÍ: kolafabrikkan Stenngríms og Katrínar á Bakka. En með tilurð þessarar sótugu verksmiðju reis orðstýr VG hæst og dýrð Stenngríms varð altumlykjandi og litla Katrín hoppaði eins og órabelgur um völlinn, kolsvört í framan af heilögum og atvinnuskapandi kolasalla. Ja, það er þá eins gott að spár undranna tveggja í Ríkisstjórnarflokknum rætist. Ef ekkert gerist og mannkynið heldur áfram að skrimta við meiri hita og harðindi; og mannfólkið heldur áfram að fjölga sér með þeim hryllilegu afleiðingum að komandi kynslóðir verða til, þá er hætt við að gengi undarlegara heimsendaspámanna dali all verulega í kjölfarið og þeir verði hafir að háði og spotti frá eilífð til eilífðar. 

„Þetta er dauðans alvara“