Byggð í Borgarnesi fjarar út. Ábyrgð Dalvíkinga á ástandinu er mikil

Hraust svín þola allt, svo ekki þarf að hafa áhyggjur af þeim. En ef Borgnesingar eru ekki hraust svín, má búast að þeir falli allir sem einn af E.kólíinu og byggð í Borgarnesi heyrir sögunni til fyrir næstu áramót. Hitt er svo næsta víst, að einhverjir óþokkar hafa kukkað í vatnsbólið þeirra þarna, sennilega Dalvíkingar, sem nú þykja einhverjir mestu vágestir á Íslandi.

Á ráðstefnu, sem haldin var fyrir mánuði síðan, kom fólk hvaðanæva af landinu og bar saman bækur sínar um Dalvíkinga. Sagðar voru reynslusögur, sem allar vorur keimlíkar og gengu út á kukk og skeinisblöð í sandfjörum, einkennilega illa útleikin salerni á veitingastöðum og erbíendbí íbúir í rúst eftir að 40-50 Dalvíkingar höfðu gengið þar um í þrjá sólarhringa eins og villuhundar. Nú stendur til að girða Dalvíkingana af og leyfa þeim einungis að valsa um afmarkað svæði landsins þar sem þeir koma því ekki við að míga og skíta í neysluvatnsbrunna eða skilja eftir sig valkesti og sóðalega útleikinn toiletblöð við sjávarsíðuna.

Nú, nýjustu fregnir herma, að síðustu tvo sólarhringa hafi mjög gengið á stofn Borgnesinga sökum E.kóli-drykkju þeirra, og eru götur að smá-eyðast af mannfólki, en fjöld hrafna og hafarna svífa látlaust yfir og melrakkinn er farinn að gera sig heldur heimakominn þar um slóðir. Þykir ljóst, að vargkvikindin ætla sér hlut í E.kóli-sáluðum Borgnesingum og seðja svengd sína á þeim. Já, vissulega eru margir stungnir harmi vegna hinna válegu tíðenda af hraðhverfandi mannlífi í landnámi Skalla-Gríms og er búist við hinu versta á allra næstu dögum.  

Kólí og E.coli-gerlar í vatni frá Grábrókarveitu