Harmagrátur forsætisráðherra við setningu fundar Hreyfingarinnar - framboðs

Það er algjör óþarfi að tala um ræðu þegar talið einkennist af harmagrúti, voli, víli og væli og gráthviðum um að einhverjir andskotar séu alltaf að tala um umfangsmikil svik VG við kjósendur sína, land og þjóð. En því miður fór svo, að Katrín klaugraðist með ,,ræðuna" sína upp í púlt og hellti yfir hinar sorglegu hræður, sem sagt er að séu enn eftir í VG, ekkaskotnum formælingum í bland við bersöglislegar ástarjátningar í garð Sjálfstæðisflokksins og Davíðs, en einkum þó Bjarnaben, sem situr heima hjá sér og hlær að vandræðaganginum í Katrínu.

Þá var nú betri ræðan sem síra Baldvin hélt á sýnódus um daginn, en þar líkti hann VG við pöddusverm á botni vaskafats, hvar þær allar væru á harðahlaupum kringum sjálfar sig. Svo bætti hinn merki sálusorgari og musterishöfðingi því við, að hann skildi ekki í jafn ráðagóðum manni og honum Bjarnaben, að úða ekki góðu drammi af skordýraeitri yfir pöddufansinn, þannig að hann væri úr sögunni. Svo leyfði síra Baldvin stéttarbræðrum sínum að heyra sögunni af því, þegar hann, undur drengur í sveit, puðraði flugnaeitri framan í hanann þar til hann steindrapst. Og ekki nóg með það: húsbóndinn á bænum drapst líka eftir að hafa etið helminginn af hananum.

En á landsfundarnefnu VG orgar Katrín sig hása af fórnarlambsæði, sem rauk yfir hana fyrr í dag. Sitja nú gárungar landsins límdir við tölvur sínar og hlýða á óborganlegt grénj og gól forsætisráðherra. Ja það er ekki mikil reisn yfir soleiðis bögubósa í stóli forsætisráðherra. Næstu daga verður kjökur Katrínar efni til gamanmála og háðs og spotts víðsvegar um land. En hvað verður um Katrínu eftir að hún staulast niður úr ræðupúltinu er ekki gott að segja, sennilega fær hún að fara í hvíldainnlögn á eitthvert elliheimilið, Grund eða Hrafnistu. Eða það sem betra væri: henni væri skapað ból uppi á lofti í beituskúr suður með sjó. 

Í beinni: Landsfundur VG og ræða Katrínar