Munu Bandaríkja-Sólveig og Amríku-Viddi leggja til atlögu við Framsóknarmanninn frá Akureyri?

Það er mikið starf að rífa tvær rosknar frúr og einn afgamlan karlsauð upp á rassinum á skrifstofu bláfátæks verkafólks og varpa þeim á dyr, það vita þau Bandaríkja-Sólveig og Amríku-Viddi manna best. Þau vita líka, að það er óeigingjörn þolinmæðisvinna að menntamannavæða sona skrifstofu, ekki síst ef gömul og viðskotaill ljón liggja í veginum, þess albúin að bíta amríkuforframað hámenningarfólk í afturendann.

Og ekki vænkast hagur Strympu við að þau brottreknu hafi nú blandað aumingja framsóknarmanninum, formanni Starfsgreinasambandsins, í þetta hættulega mál. Það gæti beinlínis riðið hans flekklausu og hreinu framsóknarsál fullu og þar með rifið niður hið eðla félag Starfsgreinasambandið og dregið það til dauða. Enda bandar blessaður framsóknarsteggurinn bara höndunum út í loftið í fullkominni örvæntingu og má vart mæla. Það getur svo sem hvur maður séð sjálfann sig í aðstæðum sem þessum, það bókstaflega hringsnýst all í hausnum á viðkomandi og hann verður vís til að fremja soleiðis axarsköft að öll þjóðin stendur orðlaus af undrun og hneykslan.

So er það hitt, að Bandaríkja-Sólveig og Amríku-Viddi hafa víst á samviskunni að hafa ráðið haug af fólki með útlendum nöfnum á Eflingarkontórinn og rekið það síðan jafnóðum úr húsi eins og óvelkomna flækingsketti. Nú ku þessir veslings útlendingar vera komnir með stöðu poletiskra flóttamanna og þeim verður líklega flogið úr landi á næstu dögum. Og hvað getur einn volaður framsóknarkurfur, þótt formaður Stafsgreinasambandsins sé, gert til að afstýra því að Efling og skrifstofa hennar verði ekki hinu illvíga félagslega krabbameini að bráð og drepist út af eins og magaveikur hundur. Það er áreiðanlega hollast fyrir framsóknarmanninn frá Akureyri að segja pass, því annars gæti svo farið að Bandaríkja-Sólveig og Amríku-Viddi tryllist og setji hann af og leiði til dæmis annaðhvort Gunnsa Smára eða Hauk Arþórsson til öndvegis í húsakynnum Starfsgreinasambandsins. Aaaamm ...

Áskorunin innanfélagsmál Eflingar

Athugasemdir

[Þorsteinn Sch Thorsteinsson, 24.10.2019 kl. 16:41]

Sæll Jóhannes, 

Æi, æi er þetta ljóta, ógeðslega stjórnar- lið úr fyrrum Verkamanna- félagi Dagsbrúar að reyna ná fjármagni fyrir sig og sína úr sjóðum Eflingar.Þetta ógeðslega og lélega fyrrum stjórnalið fyrrum Dagsbrúar hefur áratugum saman gert lítið sem nánast sagt ekkert fyrir sína félagsmenn, þar sem að fyrrum stjórn Dagsbrúar var í mörg ár innilega límd, negld og slefuð við fyrrum Vinnuveitendasamband Íslands. Því að fyrrum stjórn Dagsbrúar var útibú Vinnuveitendasambands Íslands og leynt og ljóst undir stjórn Sjálfstæðisflokksins. Það skyldi engan undra hérna þó að menn úr Sjálfstæðisflokknum séu að reyna verja þetta líka ógeðslega og lélega fyrrum stjórnalið Dagsbrúar.
KV. Þorsteinn

[Jóhannes Ragnarsson, 24.10.2019 kl. 19:36]

Gamla liðið ætlar sér að ná félaginu aftur, ef félagsmenn leyfa, sem ekki er í hendi. En félagið er auðvitað fólkið sem í því er, en ekki bara stjórnarfólkið og liðið sem ráðið hefir verið á skrifstofuna, eins og stundum má ætla þegar talað er um verkalýðsfélög.

En ég er líka standandi hissa á nýja stjórnin hefir hagað málum sínum óhönduglega og látið ,,gamla liðið" espa sig upp eins og smákrakka eða fáráðlinga. Það bendir flest til að Bandaríkja-Sólveig og félagar eigi sérlega erfitt með samskipti sín við annað fólk og sé illa samstarfshæft. Og hvað það á að þýða, að ráða mann úr efri millistétt, sem aldrei hefur dýft hendi í kalt vatn, mígið í saltan sjó eða unnið ærlega vinnu, sem framkvæmdastjóra félags verkamanna.

[Kristbjörn Árnason, 24.10.2019 kl. 20:31]

Ég er einna ánægðastur með það verk dóttur þulsins, þegar hún sparkaði kratahyskinu út af skrifstofum EFLINGU. 

[Jóhannes Ragnarsson, 24.10.2019 kl. 20:43]

Já, félagi Krisbjörn, það var mikið nauðsynjaverk ýta kratadótinu út. Hins vegar hefði þulardóttirn og hennar samstarfsfólk mátt fara miklu betur að og gefa þessu fólki ekki tilefni til slagsmála og láta í fjölmiðlum. Svo er mikill ljóður á nýja fólkinu í Eflingu, já og víðar svo sem, hvað það tekur ábendingum og saklausri gagnrýni illa, það virðist ekkert mega segja við það eða gera að gamni sínu í þeirra áheyrn.  

[Þorsteinn Sch Thorsteinsson, 25.10.2019 kl. 00:09]

Sæll aftur Jóhannes,

Já, ég er sammála þér, nú og menn eru líka hissa á því að nýja stjórn þarna hjá Eflingu hafi látið þetta viðgangast svona lengi. En þú hlýtur að skilja þetta, að það er mjög hagkvæmt og gott fyrir svona flokka eins og Sjálfstæðisflokkinn að hafa svona líka lélega fyrrum stjórnarmenn Dagsbrúnar þarna áfram, er ævinlega semja alltaf afsér ár eftir ár og aldrei eitt einasta verkfall. Þess vegna er Sjálfstæðisflokkurinn og allt þetta líka litla, litla, nice, nice lið í því núna að styðja þetta fyrrum starf-lið Dagsbrúnar þarna áfram. Já og rétt eins og þú segir, það er eins og "Gamla liðið ætli sér að ná félaginu aftur".  

KV.