Þvert á móti vill fólk að Húsdýragarðurinn verði elfdur um allan helming

Hún er víst annað slagið að reyna að vera óttalegt villudýr þessi Hildur Björnsdóttir, en tekst það sona og sona. Ef hún telur það ekki hlutverk Reykjavíkurborgar að reka Húsdýragarðinn þá á hún að leggja til að Húsdýragarðurinn verði lagður niður, í stað þess að fimbulfamba einhverja vitleysu um útboð, að ,,reksturinn verði boðinn út", eins og hún orðar að svo undursmekklega. Þar fyrir utan væri hinn últra-hægrisinnaði Samfylkingarmeirihluti í Reykjavík löngu búinn að útvista Húsdýragarðinum og húsdýrunum til einhverra klíkubræðra sinna ef möguleiki hefði verið fyrir hendi.

Að öllu samanlögðu ætti að efla starfsemi Húsdýragarðsins og bjóða fólki upp á að sjá fleiri skepnur en nú eru þar til sýnis. Til dæmis bráðvantar gott rimlabúr þar sem í væru vistaðir Sjálfstæðisflokksmenn, sem óhætt væri fyrir fólk að skoða. Einhverju sinni stóð til að reka alla frjálshyggjupaura Sjálfstæðisflokksins á fjöll, langt upp í óbyggðir og láta þá hýrast þar sem þeir gætu með aungvu móti eyðilagt út frá sér; illu heilli var horfið frá því ráði, sem sannast sagna hefði orðið mikið heillaráð ef gerð hefði verið alvara úr gamni.

Þá skal frá því greint, að óskir hafa verið uppi um að Miðjúngarnir í Klausturflokknum verði vistaðir í búri, sem verði innréttað á svipaðan hátt og sjálft Klaustrið við Austurvöll. Það væri svo fróðlegt fyrir barnaskólabörn að geta komið í Húsdýragarðinn til að skoða Klausturkauðanna og sjá þá þamba bjór og brennivín og heyra þá tala illa um fjarstatt fólk. En Stenngrím og hans hyski vill aunginn heyra eða sjá í Húsdýragarðinum, það slekti á betur heima á Skrímslasetrinu eða á Reðursafninu, þetta er allt so spúký og spillt.

Vill eingöngu húsdýr í Húsdýragarðinn

Athugasemdir

[Þorsteinn Siglaugsson, 5.12.2019 kl. 19:51]

Ef það er ekki hlutverk borgarinnar að reka húsdýragarð, ja, hvert í ósköpunum er þá eiginlega hlutverk borgarinnar? Ég man ekki betur en að í einum kosningunum hafi helsta loforð þess sem vann verið að tæla þangað ísbjörn. Út á þetta var hann kosinn, svo vilji borgarbúa er alveg kýrskýr. En auðvitað sveik hann loforðið, því miður.

Það á að stórefla húsdýragarðinn, bæði með þeim pólitíska peningi sem þú nefnir, en líka skunkum og letidýrum, að auðvitað ótöldum framsóknarmönnum, sniglum og öðrum vinalegum slímfénaði. Minna má það ekki vera!