Láfi Stepph á leið til Síbéríu og Borneó í langtímavist

Æ ég held það væri upplagt að geyma hann þarna Láfa Stepph þarna a Téneríf fram á haustið, þá gerir hann ekki neinn óskunda hér heima á meðan. Láfi þessi er sem kunnugt er óttalegur órabelgur, vill flytja eitrað két frá útlöndum til sölu í íslenskum matvælabúðum og allur á hjólum við að troða Íslandi inn í auðvaldshelvítið ESB og skrumskæla íslenskt samfélag í anda nýfrjálshyggjudjöfulsins. Þar af leiðandi er blátt áfram nauðsynlegt að geyma kallsveskjuna hann Láfa erlendis um hríð og ala hann þar á skuggalegu ketmeti, sem aunginn þekkir haus né sporð á. Munið þið ekki þegar nautasteikurnar á fínu veitingahúsunum í París vóru í raun og veru af hrossatruntum frá Rúmeníu.

Þó má teljast merkilega að Láfi Stepph skuli hafa álpast eins og höfuðsóttarrolla alla leið suður á Teniríves og halda svo í þokkabót að þörf sé á honum aftur á Íslandi; það hefir aldregi verið neitt gagn af karlkjökrinu hér heima fyrir og eftirspurn eftir honum aungin. Þó veit á gott að hann skuli hafa vafsast upp í flugvél frá Norwegian, því hún mun fljúga með Láfa austur í Síbéríu og þaðan til Borneó, þar sem mannæturnar búa. Það gæti orðið spennandi fyrir karl eins og Láfa Stepph.

Eitt sinn, eftir langt helgarsamkvæmi, það var í hitteðfyrra, reif frú Ingveldur karlpéninginn, sem til staðar var, úr nærhöldum sínum og sauð þau í potti með vatni í. Eftir klukkutíma suðu, vatt hún nærhöldin ofan í pottinn og kastaði þeim síðan út um eldhúsgluggann. Þá hrærði hún eina matskeið haframjöls út í nærbuxnavatnið og aðra kúfaða af hrísgrjónum og kryddaði með pipri, lauk og brúnkáli. So lét hún seyðið kólna í pottinum í klukkutíma áður en hún át það að nærbuxnaeigendum aðsjáandi, en það vóru að sjálfsögðu þeir Kolbeinn, Vondalyktin, Handreðurinn og tveir ráðherrar, heldur sona subbulegir kallar, sem gengu um garða í illa óhreinum nærhöldum. En þetta var auðvitað útúrdúr, þetta með frú Ingveldi og nærbuxur strákanna, aftur á móti hefir flugvélin frá Norwegian hafið sig á loft frá Tenerífeseflugvelli og stefnir nú hraðbyrir á Síbéríu.

„Flugvallayfirvöld ráða ekkert við þetta ástand“