Umbótaöfl krataeðlisins, de la 101, flytja rónana á öskuhaugana í Gufunesi

Það er sko frábærlega krataeðlis- og fémínístalegt, de la 101, að flytja rónana af Austurvelli og koma þeim fyrir í gámum eða hrútakofum á gömlum og illa lyktandi sorphaugum Reykjavíkur. Það er náttúrlega aungin hemja að láta þessa bölvaða drykkjurúta vera sí-slangrandi, á vinnutíma góðborgara, fyrir augunum á alminnilegu fólki og betri borgurum af auðvalds- og krataeðlisstétt og viðkvæmum efrimillistéttarfémínístum. Jájá, bara á haugana með rónalýðinn og dópistasvínin.

Eflaust verður gáll á drykkjurútunum þegar þeir verða komnir á beit inni í Gufunesi, fyrir framan hina nýmóðins hrútakofa jafnaðarmannanna í Reykjavík; það verður að segja eins og er, að þetta er skohh jafnaðarmennska í lagi, krataeðlið bókstaflega kraumar og snarkar þessu rónaumbótaúrræði þeirra. Eyþór Laxdal og hans íhöld hefðu ekki getað gjört betur í þessum málaflokki en krataeðlisfjósin.

Á meðan doktórar heimsins, vísiddamenn og mannkynsfrelsandi hugsuðir berjast á hæl og hnakka við að finna upp bóluefni við kóðvíð nítjánda, fara litlar sögur af afrekum vísiddanna við að þróa gott lyf við krataeðlinu og krataeðlisvírusnum, sem veldur persónuröskunum, géðbilun og áttunarvanda, sem lýsir sér í því að sjúklingurinn veit ekki hvað hann vill, hvað hann er, hvert hann er að fara og er lýginn og ómerkilegur í umgengni við þjóðfélagið.  

Fyrstu íbúar í smáhýsin í nóvember

Athugasemdir

[Þorsteinn Siglaugsson, 30.9.2020 kl. 15:01]

Verst hvað er langt í ríkið frá öskuhaugunum 

[Jóhannes Ragnarsson, 30.9.2020 kl. 15:49]

Krataeðlið er nú lítið að velta vegalengdum fyrir sér.

[Óskar, 30.9.2020 kl. 20:21]

Djöfull ertu steiktur maður.  Þú getur líka boðist til að hafa þetta fólk inní stofu hjá þér og málið er leyst.

[Sigurður I B Guðmundsson, 30.9.2020 kl. 22:24]

Er ekki hægt að koma einu eða fleirrum smáhýsum við Óðinstorg??

[Jóhannes Ragnarsson, 1.10.2020 kl. 08:14]

Heyrðu Óskari minn, það er nóg fyrir mig að hafa köttinn minn hjá mér í stofunni svo ég fari nú ekki að bæta mér vandalausum rónum úr Reykjvík við, það kemur bara ekki til mála.

Svo gæti þessi Heiða, sem mér skilst að sé borgarfulltrúi, haft einn eða tvo svona rónagáma inni á skrifstofunni hjá sér í ráðhúsinu.