Eru náttúrulausar kérlíngabækur og steingeldir glæpareyfarar eitthvað til að verðlauna?

Nú er heldur farinn að þynnast þrettándinn hjá bókaþjóðinni miklu, sem kveðst vera mesta bókaþjóð í heimi og þókt víðar væri leitað. Í raun og veru hefði ekki átt að tilnefna neina bók til verðlauna, svo lélegar þessar skræður nú eru. Mestmegnis eru þetta náttúrulausar kérlíngabækur, sumar með vott af harðlífi, og einkum skrifaðar til að fóðra stórbilaða athyglissýki þessara svokölluðu höfunda. Svona er nú komið fyrir bókaþjóðinni miklu.

Ástandið í höfundarmálum á Íslandi er orðið með þeim hætti, að hér finnst ekkert skáld undir sextíu og fimm ára aldri. Og framleiðslan! Jésús minn góður Guð á Hymmnum hátt! Mest eru þetta steingeldar og þurrundnar glæpareyfarasögur, allar gerðar eftir sömu uppskriftinni, svo andlausar og illa skrifaðar, að fólk sem glæpist á að lesa eitthvað af þessu helvíti grettir sig og fussar og kastar þeim hálflesnum undir pottinn, það er að segja þeir sem búa svo vel að hafa hlóðir í eldhúsinu, hinir fleyja skruddunum bara út um næsta glugga.

Með sama áframhaldi munu Íslendingar verða innan fárra að algerðu athlægi á alþjóðavettvangi og til þess tekið að hin merka bókaþjóð, sem samdi Íslendingasögurnar, Sturlungu, Ævisögu séra Árna, og Íslandsklukkuna, hafi orðið fémínískum ruglbókmenntum, glæpareyfararusli og sjálfumglaðri afturúrkreistingakynslóð að bráð. Hnignun og stórbrotin úrkynjun íslenskra bókmennta og lista verður eflaust rannsökuð þegar fram líða stundir og trúlega munu þá koma upp úr kafinu ýmislegt sem mun gjöra nútímaúrkynjunaraðallinn frægan af endemum í bókmenntasögunni. 

Fimmtán bækur tilnefndar

Athugasemdir

[Þorsteinn Siglaugsson, 2.12.2020 kl. 23:12]

Skáldmennin eru öll komin á lífeyrisaldur og verða væntanlega dauð úr kóvít áður en langt um líður. Good riddance!

[Sigurður I B Guðmundsson, 3.12.2020 kl. 16:10]

Athyglissýki er vel orðað hjá þér.

[Ásgrímur Hartmannsson, 3.12.2020 kl. 19:34]

Mín bók var ekki einusinni tilnefnd, sem er skandall: https://www.amazon.com/dp/B08M8DBG51
Þetta eru náttúrlega ekki formúlu-bókmenntir, og held ég ekki að Egill í Kiljunni myndi lifa af að lesa hana.

Annars bý ég að því að vera vel læs á ensku, svo ég hef meira úrval.  Myndi sennilega ekki lesa neinar bækur ef eg hefði bara val um íslenskt efni.

Segjandi það, hef ég verið að lesa einhverjar smásögur frá 18xx... þær eru hver annarri verri.