Með fullfermi af kókópuffsi í belgnum

Þær láta ekki deigan síga þessa helgina gelgjutelpurnar í ríkisstjórninni. Með fullfermi af kókópuffsi í belgnum slömpuðust þær gegnum skólakerfið, útúrsnobbaður og andlegi þroskinn eftir því. Það er til dæmis augljóst að fraukelsið, sem Bjarniben og strákarnir plöntuðu í dómsmálaráðuneytið fyrir hönd allra Sjálfstæðisflokksmanna í landinu, hefir ekki komist af leikskólastiginu og fyrir henni er upphefðin einungis leikur og leikaraskapur, þyrluflug og fíflagangur. Það er ekki nema von að fullorðnir menn í þingflokki Sjálfstæðisflokksins séu sárreiðir og móðgaðir yfir að gengið var framhjá þeim þegar Bjarniben úthlutaði barninu dómsmálaráðuneytinu.

Í forsætisráðuneytinu hoppar annað endemi um gólfið og klappar saman loppunum, glærum af notkunarleysi, og emjar um krúttlegt gos. Krúttaralegt framferði af þessu tagi í forsætisráðuneytinu fellur afskaplega vel í kramið hjá borgarastéttinni, því borgarastéttinni líkar vel við skoðanadaufa og hugsjónalausa loddara úr öðrum flokkum en Sjálfstæðisflokknum, einkum flokkum sem hafa svikið allt og alla í kringum sig. En í öllum skúmaskotum Sjálfstæðisflokksins er hlegið að Katrínu Jakobsdóttur og hún, Stenngrimur og undanrennukjúklingarnir höfð að efni í allskyns skítabrandara og óvirðulegt flím.

Ekki viljum vér núlifandi Íslendingar samt trúa því að vér séum dæmdir til, samkvæmt einhverju yfirskilvitlegu lögmáli, að sitja undir slímulegri setu kókópuffsbelgja í ráðuneytunum og á Alþingi. Þessi ósköp, sem vér stöndum vanmáttug andspænis, eru skammarleg fyrir land og þjóð og vér því skyldug til að varpa þeim af oss. Óskastaðan væri uppreisn innan allra stjórnmálaflokkanna gegn kókópuffskrúttum, loddurum, lítt þroskuðum gelgjubörnum, rétttrúnaðargrilluföngurum og þessu liði mokað út eins og sorpi úr ruslakompu. Því miður fyrir oss hin, verður víst ekkert af útræstingum í skítakamesum stjórnmálaflokkanna, að minnsta kosti ekki í bráð, því veldur þaulæfður óheiðarleikinn, sem stjórnamálaflokkarnir leggja meiri áherslu á en nokkuð annað.    

Varasamt þótt það sé „kannski krúttlegt“

Athugasemdir

[Helga Kristjánsdóttir, 21.3.2021 kl. 04:37]

Undarleg er vor rulla
í þessu jarðlífi,
annaðhvort er það drulla 
eða harðlífi.--- Það má til sanns vegar færa og er langt í frá ósanngjarnt að kenna það stjórn þessa lands að flestu leiti allt frá hruni að undantekningunni þegar Sigmundur Davíð var við stjórnvölin;þá var von.--Þú hrekkur ekki við Jóhannes þótt liggi svona illa á mér og fái útrás hjá Ólsara,veit þú getur viskað allt út sem hugnast þér ekki. Mkv.

[Jóhannes Ragnarsson, 21.3.2021 kl. 11:20]

Ég er eiginlega orðinn öllu vanur á facebook og bloggi og hér um bil hættur að kippa mér upp við nokkuð á þeim vettvangi. Þér er því velkomið að fá útrás á mér; ég er ekkert of góður til að fá einhverjar gusur yfir mig. Að vísu hefi ég mörk í þessum efnum, sem ég hefi mjög sjaldan beitt.

[Helga Kristjánsdóttir, 22.3.2021 kl. 23:44]

Jæja en það voru engar gusur ætlaðar yfir þig! Það er ekkert njósnað hjá þér; Nefni ég kvennafnið Jóka skírnarnafni er óðara komin áminning til mín,að ég tali ekki um esbéið. Annars takk fyrir ég skal aldrei gera þetta aftur.