Trúmálahópar um frjálsa útbreiðslu kóvíðveirunnar og spámenn þeirra

Í vissum trúmálahópum hér á landi er Jón Magnússon ,,lögmaður" mjök í hávegum hafður og eru hópameðlimir ákaflega elskir að honum og hafa, hver hjá sér, komið sér upp helgimyndir af Jóni. Vinsælasta myndin er af heilögu lögmenninu án fata, hvar hann snýr bakhluta sínum að tilbeiðendum. Er það venja í híbýlum meðlima, að hafa þá mynd í mátulegri hæð, þannig að meðlimur geti gengið að henni beint og kysst hinn helga meistara beint á rassinn.

Í nýlegri bæn, sem einn af minni spámönnunum í helgidómi Jóns ,,lögmanns" orkti til dýrðar þessum nýsmíðaða guði, segir eitthvað í þá veru, að Jón þessi ,, leiði oss eigi í haftafjósið og frelsi oss frá sóttkví." Þennan munnsöfnuð hafa áhugamenn um frjálsa útbreiðslu kóvíðsveirunnar japlað hver ofan í annan yfir páskana í þeirri frómu von að veiran muni sigra og að minnsta kosti hálf þjóðin muni leggjast í kóvíð; því þessir áhugamenn hafa þá trú að hver sá er andast eða verður farlama til lengri eða skemmri tíma af kóvíðnum verði sáluhólpinn, því dauði eða örkuml af þessari ágætu drepsótt eru margfalt meira frelsi en fimm daga sóttkví á góðu hótélherbergi.

Nú, ýmsar frelsishetjur í söfnuði hr. Magnússonar ,,lögmanns" hafa undanfarið vaðið yfir lög og láð með þann dásamlega boðskap, að kóvíðsveiran sé aungin andskotans veira, þetta sé í almesta lagi smávægilegt kvef, en þó aðallega lygaþvættingur til að hræða fólk og hægja á rottuhjóli kapítalismans og neyslukapphlaupinu. Á sama tíma og hetjurnar boða þessar kennisetningar sínar með öskrum og hávaða hafa þær í leiðinni uppi skammir og áróður um slælega frammistöðu stjórnvalda við öflun bóluefna gegn kóvíðnum, sem þær segja í hinu orðinu að sé ekki til. Og nú kvað Brynjar Vondalykt, sem er handlaginn maður og listrænn í sér, vera sestur við að tálga út helgimynd af Jóni Magnússyni ,,lögmanni", þ.e. einskonar öndvegissúlu af þeim drotni, þriggja metra háa, og auk þess tæplega meters langan stubb af sælli frú Andersen, en hún er ötull postulón fyrir hugsjóninni háleitu um kaup á bóluefni gegn veiru, sem hún lætur í veðri vaka að ekki sé til.      

„Ekki eðlilegur málshraði“