Þetta er allt í áttina. Gaman gaman

Ósköp er nú gleðilegt fyrir fyrir okkar frábæru kóðvíssinna og frelsishetjur á Íslandi, að kóvíðssmitin skuli virðast vera að taka við sér. Það er afskaplega notalegt fyrir hugsjónafólk um vírusadreifingu, að sjá og fá á tilfinninguna að barátta þeirra er að bera ávöxt. Nú er bara að láta kné fylgja kviði og ausa kóvíðnum af tvíelleftum krafti yfir þjóðina með því göfuga markmiði að koma sem flestum undir græna torfu, eða gera þá heilsulausa. Með lögmönnum skal landann smita.

Á þessari stundu er fjöld vel kóvíðssinnaðra lukkuriddara að hefja baráttu fyrir því að komast á Alþingi. Það kemur ekki á óvart, að þetta hugsjónafólk herjar helst á Sjálfstæðisflokk og Pírata, því það telur það þar sé fyrirstaðan minnst og þeir sem þar eru fyrir séu veikastir fyrir kóvíðsisma, trumpisma, hagvaxtargeðveiki og öfugsnúinni frelsishyggju. ,,Áfram áfram ekkert stopp, allan skítinn í okkar kopp", er hið nýja, vitiborna kjörorð kóvíðsfrelsaranna.

Í kringum háleitar hugsjónir er óhjákvæmilegt að upp rísi trúarsöfnuður, sem telur sig hafa umboð frá guði, í þessu tilfelli Mammóni. Það hefir heldur ekki farið fram hjá nokkrum manni innblásið jarmið og buslubænirnar í kapélánum og skírurum kóvíðsstefnunnar, sem gengur út á að slá sóttvarnir af og hleypa drepsóttinni lausri á almúgann. Í öllum fjölmiðlum eru þessir prestar leiddir fram til að vitna um gúlagið og stalínismann á landamærunum og á sóttvarnarhotélinu. Hvað eftir annað hefir lögmennið Jón, með sjötíu og fimmþúsundkallinn á tímann, birst tárvotur á sjónvarpsskjánum og með ósvikinn helgislepjuklökkva í röddinni og lýst nauðungarvistun á lúxushotéli af áður óþekktri andagift. ,,Af hundingsspottum höfum vér helst næmi og mörg heilnæm eftirdæmi", segir skáldið Megas í einu verka sinna. Í dag er mál fyrir þjóðina að taka þessi orð skáldsins til rækilegrar umhugsunar og viðvörunar.

11 smit innanlands – sex utan sóttkvíar

Athugasemdir

[Ragna Birgisdóttir, 7.4.2021 kl. 15:18]

Þetta segir sóttvarnarlæknir og fær bágt fyrir.

Stjórnmálafólkið sem ræður ríkjum er ekki læknismenntað hvað þá með þekkingu á hættulegum faröldrum.

Við skulum þá gera þetta.

1.Opnum landið upp á gátt. Fyrir öllum landalitakóðanum.

2.Bjóðum farþega þeirra landa þar sem flestir hafa látist úr veirunni og flest smit hafa greinst sérstaklega velkomin. Launum þeim með því að bjóða þeim í útsýnistúr í Alþingishúsið og á ríkisstjórnarfund þar sem þau mega taka í hönd allra ráðherra.

3.Hættum að skima nema fólk sem er komið með 40 stiga hita,þá er séns að það fái læknisaðstoð(svona eins og er að gerast víða um heim þar sem spítalar geta ekki lengur tekið á móti sjúklingum enda spítalar löngu yfirfullir og líkhúsin líka.

4.Engar hömlur,ekkert hættum að selja spritt og grímur og vonum að það fólk sem er með undiriggjandi sjúkdóma,fái veiruna og deyji helst því það er þjóðhagslega hagkvæmt fyrir ferðaþjónustuna og elítu landsins sem froðufellir ef að það bætast ekki millur inn á bankareikninga þeirra í hverjum mánuði.

5. Semsagt. Covid-19. Velkomin til Íslands.Kaffi og kleinur á hverju horni.