Megum vér bjóða yður Brýgíttu og Saarí í bláleitri sosialgæru?

Það eru einungis fífl og andlegir öreigar sem kaupa þá fjarstæðu að Þór Saarí og Brýgýtta Jónsen séu sósíalistar. En nú hefir mannvitsbrekkunni Gunnarismára hugkvæmst, sökum gáfna sinna, að bjóða hina víðfrægu tækifærissinna og flokkaflakkara, Brýgýttu og Saarí, kjósendum til kaups, klæddum morauðar sauðagærur, sem Gunsi segir að séu sosialiskar. Jú, einmanna sálir, þjakaðar af leiðindum og sálarmökkva, virðast ein og ein, ætla að kaupa varning Smárans, þótt óhrjálegur og enn ótrúverðugri sé, í von um betri tíð, sem auðvitað kemur ekki. Um Saarí og Brýgýttu þarf ekki að fjölyrða, þau eru afar ósósíalísk og unnu fyrir sitt leyti, sem frægt varð, að því að láta ,,búsáhaldabyltinguna", sem auðvitað var engin bylting, sullast úr um læri og maga, engum til gagns. Allra síst höfðu hjúin áhuga á að beina uppreisnartilburðunum í kjölfar Hrunsins í sósíalískan farveg; hvað það varðaði voru þau sammála borgaralegum leppalúðum eins og Gunnsasmára.

Já, nýsosialistarnir Brýgýtta og Saarí voru ekki róttækari en svo í róttæknibylgjunni eftir Hrunið að þau ruku til með loddurum og lukkuriddurum og stofnuðu borgaralegan flokk, Borgarahreyfinguna! Skýrara gat það varla verið. Og eftir að hafa verið vikið úr vitfirringasamkundu Pírata þykjast þessi furðufyrirbæri vera orðnir sosíalistar í sosoialistaflokki, sem er ekki sósíalistaflokkur fyrir fimmaura, þókt hann heiti það. Það er áreiðanlega kominn tími til að sporna við sjúklegri ásókn hálf- og alvitlauss fólks í að leggja undir sig stjórnmálaflokka á fölskum forsendum og olnboga sig alla leið inn á Alþingi.

Ég hefi fyrr drepið á, að ókræsileg klíka af einkennilegum mönnum og konum, virðist hafa fengið þá flugu í höfuðið, að sósíalismi sé  einhver endemis sorpstía sem hægt að fleygja öllum andskotanum í og kalla sósíalisma. Allt í einu eru víðfrægir höfuðsóttargemlingar orðnir sósíalistar og komið fyrir á bekk með Einari Olgeirssyni og Brynjólfi Bjarnasyni! Og hrokafullar yfirgangskerlíngar af öfgafémínísku þráhyggjukyni, sem eru vart með réttu ráði, orðnir sósíalistar? Og allir sem einhvern tíma hafa unnið launaða vinnu eru orðnir verkamenn! Hverskonar ekkisens fávitagang eru mannvitsbrekkurnar í 101 Reykjavík farnar að bjóða almenningi upp á? 

Fagnar því að Þór og Birgitta hafi fundið vettvang

Athugasemdir

[Ómar Geirsson, 4.8.2021 kl. 08:42]

Spyr sá sem ekki veit Jóhannes, en ég hygg að enginn sé endirinn á þeim gangi.

Þörf hirting sem oft áður, en þegar ég las þá leitaði hugurinn að Alþýðufylkingunni þeirra Þorvalds og Vésteins, sem bauð fram 2013.

Þeir voru fornir en virkuðu á mig sem eðal en það er kannski erfitt að vera sósíalisti í dag þegar vantar bakgrunn hinnar harðvítugu stéttabaráttu þar sem barist var um brauðið í bókstaflegri merkingu.

En ég sakna raddar þeirra í dag, það er svo sorglegt að sjá að það eina sem ungu róttæku fólki er boðið uppá er háðung úr ranni auðsins, hvort sem það er frjálshyggjustjórnleysi Píratanna eða Gunnar greyið sem á ákveðnum tímapunkti ferils síns taldi sína einu auðlegð vera sál sem hægt væri að falbjóða.

Ég ef að einokunarkaupmennirnir hefðu selt svona úldna útrunna vöru.

En takk fyrir mig enn og aftur.

Kveðja að austan.

[Jóhannes Ragnarsson, 10.8.2021 kl. 17:57]

Því miður hefur Alþýðufylkingin ekki ná sér á strik. Þorvaldur og Vésteinn, og fleiri úr þeim flokki, er heiðarlegt hugsjónafólk, sem mikið frekar eiga erindi inn á þing en þetta lukkuriddara- og öfgafémínístagengi hjá Gunnarsmára. En ég vona að Alþýðufylkingin verði endurræst um leið þegar öskurkórinn verður þagnaður kringum Smárann og fólk búið að sjá í gegnum allt það leikrit.