Dólgsleg ummæli sérkennilegrar kérlíngarskrukku

Sérkennileg kérlíngarskrukka þessi Ragnheiður. Hún telur að kontórsjakalarnir á Eflingarskrifstofunni skuldi félagsfólki ekki neitt, - sennilega vegna þess að félagsfólki kaus Sólveigu Önnu aftur sem formann félagsins. Hinsvegar hafa Ragnheiður og hennar líkar á skrifstofunni ekki fúlsað við að vera á launum hjá fátæku verkafólki og forsmá í leiðinni þá stjórn sem sama verkafólk kaus sér til forustu. Það er nokkuð ljóst, að þessi hofmóðuga kérlínagarskrukka á ekki neitt inni hjá íslensku verkafólki og ætti að sjá sóma sinn í að skammast sín eins og blauður hundur fyrir hrokabelginginn.

Já, Ragnheiður og hennar nótar á skrifstofunni mega þakka fyrir að verkafólk hafi ekki gert sér ferð á skrifstofuna til að fleygja þeim út og flengja vel og vandlega í kveðjuskyni fyrir allra augum á Guðrúnartúninu. Betra eiga apparöt af þessu tagi ekki skilið að launum frá reykvísku verkafólki. 

Í allt of mörg ár hafa syfjaðir og værukærir uppskafningar, uppfullir af krataeðli og stéttasamvinnusleikjuskap, fengið að búverka innan Eflingar, sem er sem kunnugt er sprottið upp úr Dagsbrún þeirra Eðvarðs og Guðmundar Jaka og fleiri gegnheilla verkalýðsbaráttumanna. Á niðurlægingartíma krataeðlisins og nýfrjálshyggjuóra stjórnvalda byggðist sem betur fer upp andstaða innan Eflingar gegn liðónýtir og svikulli forustu, sem lauk með kjöri Sólveigar Önnu fyrir fjórum árum. Síðan þá hefir andverkalýðssinaður villulýður, sem hreiðrað hafði um sig á skrifstofu félagsins, reynt af fremsta megni að halda formanni og stjórn Eflingar í gíslingu til að freista þess að koma í veg fyrir raunverulega stéttabaráttu íslensks verkalýðs. Nú er þessum leik lokið og hinir hvimleiðu kontórsjakalar verða að hundskast til að finna sér leikvöll við sitt hæfi einhvers staðar annars staðar en hjá verkafólkinu í Eflingu. En það er fullkomið vafamál að nokkur fáist til að taka við þessum endemum, því þau eru vart tæk innan um siðað fólk.    

„Við köllum eftir því að félagsmenn taki ábyrgð“