Voðinn er vís ef hættunni er boðið heim

Það er stórhættulegt að leyfa rússneskum hafrannsóknarskipum að valsa átölulaust um landhelgina okkar. Rússnesk hafrannsóknarskip eru með allar lestar stútfullar af gríðarlegum fallbyssum, eldflaugum, kjarnaoddum og kjarnorkusprengjum, fyrir utan óteljandi önnur hryllileg drápstól. Að leyfa þessum andskotum að fara um landhelgina okkar er ógnar mikill slóðaskapur af hálfu stjórnvalda okkar, svo mikill reyndar að réttast væri að setja þau af fyrir vikið.

En við getum líka verið Rússum þakklát fyrir að rannsaka hafið innan íslensku lögsögunnar, því ekki gera aðrir það. Að vísu höfum við einhverskonar fálkalega Hafrannsóknarstofu, en hún gerir nú ekkert annað en að leigja stórhýsi á morð fjár í Hafnarfirði af valinkunnum pénígaspámanni, leita dauðaleit að loðnu fyrir útgerðarauðvaldsrassana og stunda einskisnýtt netarall á vorin í fjáröflunarskyni, svo þeir eigi fyrir olíu á rannsóknarskipin sín þegar þeir fara að leita að loðnunni sem útgerðarauðvaldsrassarnir eru alveg við að útrýma.

En hvað mundu stjórnvöld okkar segja ef rússnesku hafrannsóknarskipin mundi allt í einu ösla inn Eyjafjörð og Skagafjörð og taka Samherja og gifturíka kaupfélagsstjórann og hans hafurtask á Sauðárkróki traustataki? Eða skjóta Hornbjarg niður með einum vel löguðum kjarnaoddi? Þá þýddi nú lítið fyrir Katrínu, Bjarnaben og ráðsmann Framsóknarmaddömunnar að gera í buxurnar og kvaka eins og skottbrotnir hvolpar.

 

 

 

 

Heimilt að vísa erlendum „rannsóknarskipum“ frá

Athugasemdir

[FORNLEIFUR, 8.10.2022 kl. 05:28]

Sæll Olavicious, þú gleymir blessuðum áróðursbleðlunum sem þessi skip lauma í land á andnesjum til að hafa áhrif á kosningahegðun Íslendinga. Leyniþjónustur í Danaveldi vara við því að Pútín sé með putana í öllu fyrir kosningar í Danmörku 1. nóvember nk. Aðrir sérfræðingar benda aftur á móti og réttilega á, að meðan að allir flokkar í DK eru andrússneskir, sé það tímaeyðsla hjá Pútín að reyna að að hafa áhrif á kosningar í Danmörku. En hefur þú tekið eftir undarlegri hegðan Bjarnaben að undanförnu? Ætli puttinn sé kominn á kaf upp í Bjarna bakara? Konur í flokki fokksins hafa að minnsta kosti verið að lesa Putaáróðurinn sem schmellvirkar á Fróni. Djöfullinn stundaði álíka áróður í Þjóðkirkjunni með góðum árangri og tókst bærilega að því er manni sýnist.