Árás á eitt ríki NATO er auðvitað árás á öll ríki NATO, það er klát mál

Fyrst Úkraínumenn skutu eldflaug á Pólland þýðir það einfaldlega hernaðarárás á NATO ríki og þar með hernaðarárás á öll NATO ríki. Og úr því að svo er komið verða hermarskálkar NATO selskaparins, hvort heldur þeir heita Biden, Bjarni Jónsson eða Bjarniben, að efna til géneralárásar á Úkraínu með öllum tiltækum vopnum; og eira engu; og linna ekki látum fyrr en þessi fjárans Úkraína verður ein rjúkandi rúst.

Það verður samt að viðurkennast, að það er kyndug ákvörðun þeirra úkraínsku að skjóta niður friðsaman bóndabæ í Póllandi úr því að þeir ákváðu að fara að dæmi Hitlers heitins á síðustu öld og ráðast inn í Pólland. Að vísu hefir þeirri tilgátu verið varpað fram að sprengingin atarna í Póllandi hafi ekki verið af völdum þeirra úkranísku, heldur hafi bóndabærinn sem varð fyrir óhappinu verið útibú íslenska Framsóknarfjóssins í Póllandi, og hafi handlangarar framsóknaraðalsins þar verið að sýsla með hættuleg efni úr fórum Framsóknarísku kjarnorkustofnunarinnar með þessum hroðaafleiðingum. Framsóknarmennirnir hafi sem sé troðið meters löngum hólki, sem var einnig meter í þvermál og fullur með kjarnorku, á bólakaf ofan í Framsóknarfjóshauginn, sem búið var að koma upp þar eystra. Því miður yfirsást vísindamönnum gömlu Maddömunnar að reikna með eiturgufunum í haugnum og geislavirkninni frá þeim, því fór sem fór, en gufurnar og geislarnir boruðu sig inn og ræstu kjarnorkuna á hólknum og allt sprakk í loft upp og til andskotans.

En mikið er hressilegt að sjá hver blessaðir undanrennuungarnir í VG eru orðnir stríðfúsir og tilbúnir til að fórna sér fyrir NATO; það vantar bara upp á að þeir krefjist heimstyrjaldar og fái sjálfir að vera í fremstu víglínu. Mikið mega Björnbjarna, litla, stríðsæsta ráðherradúfan með langa nafnið, og Gölle a. vinur Björnsbjarna, vera ánægð með hve vel hefir tekist til að temja veslings ungalingana þeirra Stenngrims og Álfheiðar. Þegar svona er komið, og krakkagrey sem héldu eitt sinn að þau væru soldið róttæk til vinstri, en eru tilbúin að axla byssuna og þjóta út á vígvöllinn, þá verður stríð, meira segi ég ekki.

 

„Mjög líklegt“ að eldflaugin hafi verið úkraínsk

Athugasemdir

[Ásgrímur Hartmannsson, 16.11.2022 kl. 18:05]

Það var eitthvað við þennan Pólska tractor sem fór í taugarnar á Zelensky.

Eða eitthvað.

[Jóhann Elíasson, 17.11.2022 kl. 11:43]

En vegna þess að eldflaugin var Úkraínsk,ÞÁ VAR BARA UM SVOLAKALLAР"ÓHAPPASLYS" AÐ RÆÐA OG EKKI ÁSTÆÐA TIL NEINNA AÐGERÐA (en fyrstu fréttir af þessari eldflaugaárás, sagði að RÚSSAR hafi gert þessa árás og nú skyldu þeir heldur betur fá fyrir ferðina).  Reyndar hef ég ekki heyrt talað um "HAPPASLYS", nema að sjálfsögðu þegar ég kom undir.  Hafi það verið slys þá hefur það svo sannarlega verið "HAPPASLYS" .........