Og hr. Thór Múháméð Kóran lætur ekki við sitja að fá sér nýtt nafn

Hr. Múháméð Kóran lætur ekki þar við sitja að taka upp hið hundheiðna nafn ,,Thor", heldur er hann ofan á allt annað genginn í Sjálfstæðisflokkinn. Hann var, laust eftir hádegi í dag, vígður inn í Flokkinn við hátíðlega athöfn i Valhöllu, Bjarniben annaðist vígsluna en G.a. Þórðarson og D. Oddsson þjónuðu fyrir altari. Með öðrum orðum: Frá og með deginum í dag er því Thór Múháméð Kórann gildur og fullur limur í Sjálfstæðisflokknum og þess albúinn að takast á höndur alþingisframboð fyrir málstaðinn.

Og nú er skammst stórra högga í millum hjá embættismönnum flokksins, því trúnaðarlæknir Valhallar, Sjálfstæðisflokksins og Varðar skoðaði Thór Múháméð áður en honum var veitt innganga í Flokkinn og skilaði hann niðurstöðu ransóknar sinnar á tilsettum tíma. Þar kemur skýrt fram, að víst sé téður umsækjandi um flokksaðild fullkomlega galinn og siðvilltur, en þó ekki svo að hann geti ekki tekið að sér hvaða starf sem er innan Sjálfstæðisflokksins. Hr. Thor Muháméð Kóran er því sem stendur á hraðferð upp metorðastiga Flokksins.

En á meðan gullslegnir dýrgripir reka hver af öðrum á fjörur Sjálfstæðisflokksins, allt frá Samherjafirði í norðri til Valhallar í suðri, fjarar hreinlega sífellt undan hinni íslensku sósíalistahreyfingu, en segja má að þar ríki algert örfiri með svo óhrjálegum rekadrumbum og illum dráttum að refar eru fyrir löngu hættir að líta þar við á ferðum sínum eftir einhverju ætilegu. Og þókt nú sé heldur glatt í döprum hjörtum í Valhöllu og nærliggjandi hjáleigum, þá er ekki síðri ofsagleði við völd hjá Thórsurunum, því hvað er einn vænn piltur gangi í Flokkinn hjá því að endurheimta týnda soninn, hann Thór Múháméð? Vér eru öll viss um að sá frændgarður er allur á lofti þessa stundina af gleði, og búið að setja þá frændur, Björgólf Thór og Gwend Andra Thórsson í að slátra alígullkálfinum í fangnaðarskyni vegna heimkomu hins glataða sonar. Og á morgun mun Bjöggi Thór leiða frænda sinn, Múháméð Thór um grænar grundir á Haffjarðarárbökkum.

Kourani breytir um nafn og horfir til Bessastaða

Athugasemdir

[Loncexter, 22.7.2024 kl. 17:07]

Mumma vandræðin ríða sjaldan við tjörvotan einteyming.

Heilalausar og sjálfhverfar barbídúkkur, dúkkuðu upp í stjórnmálum, og opnuðu landið fyrir meinværunu íslam, og bíða nú eftir að kallarnir hreinsi upp eftir þær.

[Jóhannes Ragnarsson, 22.7.2024 kl. 17:59]

Hver eru þessi ,,Mumma vandræði"? Og hverjar eru sjálfhverfu og heilalausu barbídúkkurnar?, - já, og hvað er ,,meinværu íslam"?

[Loncexter, 22.7.2024 kl. 20:52]

Þegar mikið er spurt verður lítið um svör. Svona svipað og á blaðamannafundi með Biden.