Staða Helga Magnúss vægast sagt hörmuleg - hans bíður ugglaust brottrekstur úr landi

Þá standa öll spjót á kallfuglinum honum Helga Magnúsi varasíkissaksóknara, líka títuprjóninn hans Jóns Gunnarssonar fyrrum ráðherra sem þeir kalla vanalega Nonnýboy. Nonnýboy hefir aldrei fengið leyfi fyrir stærra spjót en títuprjón og nú kemur í ljós að Nonnýboy rak þetta verkfæri sitt, þegar hann var enn ráðherra og ekki búið að reka hann, beint í sinaberan þjóhnappinn á vararíkissaksóknara með þeim afleiðingum að vararíkisaksóknarinn fékk blágula áminningu fyrir soramunnsöfnuð um saklaust fólk sem aldrei hafi gert honum neitt.

Í ljósi nýrra upplýsinga um spjótastöðu í hold ríkissaksóknara má segja að dagar hans í embætti eru taldir og að hann berði brátt fjarlægður af tilþessbærum mönum. Hvar hann hafnar á endanum er allsendis óvíst á þessari stundu, en líklegt má samt telja að hann fari í framboð fyrir Sjálfstæðisflokkinn við næstu alþingiskosningar, eða eða fyrir Miðflokkinn og Beggó ef illa tekst til. Það er alls ekki útilokað að Helgi Magnús Magnús Helgi eigi sér framavon innan Samfylkingarinnar því í þeim flokki nýtur hann mikils álits í vissum háttsettum kreðsum. Svo bráðvantar fólk í framboð hjá VG, en því miður er sá flokkur nú þegar andaður og aungvann feitan gölt að flá lengur þar um slóðir.

En nú er sem sé komið á daginn að Nonnýboy veittist, áður en hann var rekinn eins og illa  þefjandi boðflenna úr ráðherrastóli, á sérlega fólskulegan og óforskammaðan hátt að Helga Magnúsi vararíkissaksóknara. Nonnýboy ku hafa farið fram á við ríkissaksóknara sjálfa, að hún hlutaðist til um að Helgi Magnús væri fluttur með valdi af landi brott með öðrum hælisleitendum og vondu fólki á grundvelli Dyflinnarreglugerðarinnar og honum komið fyrir á eyðieyju við Grikkland eða í Rúanda. Og þess skyldi svo samt sem áður vandlega gætt að þessi vandræðasami karlrass kæmist aldrei aftur inn fyrir vor heilögu íslensku landamæri.  

Jón vildi vita um möguleg viðbrögð gegn Helga

Athugasemdir

[Ingólfur Sigurðsson, 5.9.2024 kl. 15:56]

Þið kommar alltaf við sama heygarðshornið að snúa sannleikanum á hvolf. Þegar veruleikinn er sár er það eina úrræðið. Stöð 2 fékk Helga Magnús vararíkissaksóknara í Ísland í dag í gær, svo virtur og vinsæll er hann. Eins og sjá má af DV athugasemdum stendur þjóðin með honum en alls ekki Sigríði ríkissaksóknara. Ekki nema von að þú þurfir að verja hana en ekki hann með rangsnúningi.

Þjóðin stendur með Helga Magnúsi, það er fyrir mestu hvað sem rugludallar bulla.

Helzt ætti ríkisstjórnin að segja af sér. Bjarni Ben og Sjálfstæðisflokkurinn er löngu kominn fram yfir síðasta söludag ekki síður en VG. 

Við þurfum alvöru ráðherra úr alvöru flokkum til að gera Helga Magnús að ríkissaksóknara í stað Sigríðar sem nú gegnir því embætti. Og svo endilega, komið Sjálfstæðisflokknum í 0% fylgi!

Að öðru leyti ertu skemmtilegur bloggari Jóhannes, en erfitt að vera sammála þér alltaf.

[Jóhannes Ragnarsson, 5.9.2024 kl. 16:42]

Tja, mér finnst þetta bara fullgóður sannleiki fyrir ykkur Sigríði og Helga Magnúss. Og atið í þeim við ráðherra Sjálfstæðisflokksins til fyrirmyndar og náð að skemmta okkur landsmönnum á köflum.

En ég sammála þér um að ríkisstjórnin er búin að vera, maður rekst ekki á nokkra sálu orðið mælir henni bót eða vera hana á einhvern hátt. Og VG-ið er dáið, steindautt eins og freðin ýsa í snjóskafli.