Þeirra gamanmál minna á þurrafúa og nístandi kuldagjóstur

Sem kunnugt er þá eru flokkseigendur VG afar vandir að virðingu sinni þegar kemur að húmor og gamanmálum almennt. Þetta snilldarfólk er mjög fágað til orðs, og jafnvel æðis, og hlær aldrei nema eftir fyrirfram ákveðinni goggunarröð. Ef Stengrimur segir eitthvað í heyranda hljóði á VG fundi sem á að vera fyndið þá hlæja allir í kring hátt og snjallt, en ef Jón Jónsson verkamaður segir sama brandara á sama stað og sömu stund þá hlær enginn, en allir líta til Stengrims, Álfheiðar og Swandeesýjar til að kanna hvort óhætt sé að brosa út í annað að gamanmálum slordónans.

Á myndinni atarna, sem fylgir með frétt mbl.is af kjöri Swandeesýjar, gefur að líta Swandeesý sjálfa og varaformenni hennar, Mumu af Brúarlandi, svo ógurlega skellihlæjandi að það sést vel niður fyrir úf á þeim báðum. Hvað hefur verið sem kætt þau skötuhjúin, eða öllu heldur skötuselshjúin, svona afgerandi er ekki gott að segja, en sennilega þefir Stengrímur látið einhver óborganleg hnyttiyrði falla um bölvaðan skelmirinn hann Ögmund, því varla hefir Stengrimur verið að segja einhverja dónasögu af samherjum sínum eins og Þorsteini Má.

Varla hefir það þó verið Álfheiður Flokkseigandi Ingadóttir sem framkallaði þennan ofsahlátur Swandeesýjar og Mumu með spaugsömum munnsöfnuði, því Álfheiður Flokkseigandi er kvendi með öllu húmörslaust; fram af hennar vörum gengur aldrei neitt annað en tal sem minnir á fátt annað en þurrafúa og kuldagjóstur; ,,piff", ,,púff" eru hennar uppáhalds orð, ásamt: ,,ég á Flokkinn", ,,það er náumast gjótur á honum", auk þess sem hún á til að bölva lítilsháttar með fyrirlitlegu fussi og tauta ólundarlega: ,,skítur og rass". Þar með eru umræðuefni þessa fræga flokkseiganda upptalin.      

Svandís nýr formaður og Guðmundur varaformaður

Athugasemdir

[Ingólfur Sigurðsson, 5.10.2024 kl. 18:58]

Þarna ertu í essinu þínu Jóhannes, með gamanmál. 

Nei ekki er hægt að búast við að VG rísi til fylgis aftur. Katrín þeirra var jú helzta trompið, Natódýrkandi í leyni og lukkudýrið hans Bjarna og Sjálfstæðisflokksins!

Nei, hætt er við að annan vinstriflokk þurfi sem er trúverðugri.