Á nýju ári verður hann settur af og fer að borga gjaldþrotin sín

Það liggur ljóst fyrir að Bjarniben mun á nýju ári hefjast handa við að greiða af fremsta megni upp öll gjaldþrotin sem hann hefir átt hlut að. Þetta er mjög virðingarvert af hálfu Bjarna, sem á mörg meistaragjaldþrot að baki og það er vissulega handleggur fyrir hann að greiða allan óskundann upp sisona.

Ekki hefir heldur legið í láginna að Sjálfstæðisflokksmönnum þykir orðið tímabært svipta Bjarnaben formennskutigninni yfir Sjálfstæðisflokknum, setja hann af og gera út af við poletiskan feril hans, mannsins sem hefir árum saman látið öllum illum látum í formennisstólnum í Valhöllu og kanterað Sjálfstæðisflokknum sem maður segir fyrir björg. Nú síðast er Bjarniben búinn að tapa svo miklu af fylgi Flokksins, að virtir menn sjá sem er, að ekki má við svo búið standa hótinu lengur, því Flokkurinn er bókstaflega að verða jafn andskoti gjaldþrota og fyrirtækin hans Bjarnaben.

Hins vegar hræðast vitrir menn og góðgjarnir í forustu Sjálfstæðisflokksins að enginn maður á byggðu bóli, og því síður kona, sé þess umkominn að gegna formennsku í jafn áríðandi flokki og þeim finnst Sjálfstæðisflokkurinn vera. Og formannslaus Sjálfstæðisflokkur er eins og júgurlaus mjólkurkú; en slíkt kvikindi er ekki líklegt til að skila eigendum sínum arði. En því miður er aunginn hæfur til að gegna embættinu. ,,Allt er þetta ónothæft rusl og drasl sem eftir er og Flokkurinn orðinn eins og fáránleg svínastía eftir þessa kroppinbaka sem þara hafa búverkað hin síðari ár" sagði mesti mógúll Sjálfstæðisflokksins við nánustu vini sína um daginn Og þetta þókti vinum mógúlsins spaklega mælt og orð að sönnu. Samkvæmt öllum teiknum sem nú sjást á lofti, þá á það óhjákvæmilega fyrir hinum fræga Flokki að liggja að veslast nú upp og drepast eins og fársjúkur, soltinn og aldraður útigangsmaður í hrútakofa utan alfaraleiðar, formannslaus, duglaus og geggjaður.

Spursmál: Hvað gerir Bjarni Benediktsson á nýju ári?