Ákveðinn varðstjóri þarf stundum að gera fleira en gott þykir til að fá fram játningu

Aldrei hefir Hálfdán Varðstjóri hikað við að berja fanga, sem hann hefir handtekið með eigin hendi eða látið handsama fyrir sig, til að fá fram nauðsynlega játningu. Sjálfur hefir Hálfdán sagt í blaðaviðtali, að oftast þurfi ekki nema eitt ákveðið högg til að fá þrjóskan og ósamvinnuþýðan glæpafóla til að játa afbrot sitt. En þeir verst gefi sig reyndar ekki fyrr en þeir hafa misst báðar framtönnurnar, öxlin farin úr lið og nærbuxurnar af viðkomandi komnar upp í túlann á honum.

En kerlingarfjandi úr Laugarásnum var verst. Hún hafði notað tækifærið þegar hún var við sunnudagsmessu að stela silfurbikar úr kirkjunni, hafði sem sé framið kirkjurán og misboðið Guði Almáttugum á herfilegasta hátt. - ,,Helvítis kerlingarboran reif stólpa kjaft þegar ég smeygði handjárunumum á hana, hótaði meðal annars að láta eyða mér", sagði Hálfdán Varðstjóri í téðu viðtali. - ,,En ég fór nú með hana á stöðina og henti henni inn í klefa númer 13. Það var ekki fyrr en ég hafði traðkað á henni og brotið í henni öll rifin sem þessi ótukt fór loks að gefa sig og játaði að lokum ekki aðeins á sig kirkjuránið heldur og að meðhjálparinn hafi verið með henni í ráðum, enda hefði hún þá haldið við þann mann í vel stinn fjégur ár. Á eftir sókti ég meðhjálparann og hann fékk sína verðskuldaða yfirhalningu"

Svo mörg voru þau orð Hálfdáns Varstjóra. En Hálfdán átti líka sínar góðu hliðar. Ein var sú, að honum datt aldrei í hug að hjálpa gamalli konu yfir götu eða aðstoða barn sem hafði misst fullan innkaupapoka af vörum undir afturhjól strætisvagns. Barnið hafði farið út í búð fyrir móður sína með einu peningana sem til voru á heimilinu til að kaupa inn til jólanna. Kakkarassinn stóð þarna grénjandi á gangstéttinni með vörurnar allar í klessu fyrir framan sig á götunni og Hálfdáni Varðstjóra datt ekki annað í hug en að handtaka barnið og stinga því inn í klefa þangað til þriðja í jólum, en þá sleppti hann gríslíngnum út, sneyptum og slöppum. Fyrir þetta þokka embættisverk sitt fékk Hálfdán ríflega launahækkun og Stórriddarakross löggæsluorðunnar, sem einungis ofurlögreglumönnum er veitt af sérstökum ástæðum. 

Lögreglumenn grunaðir um að berja fanga til dauða