Afglöp séra Atgeirs og klámhögg utangarðs Sælendinga

Svá bregðast krossbitar sem aðrir raftar, sagði séra Atgeir p. Fjallabakssen þegar hann kom að maddömu sinni í rúminu hjá Brynjari Vondulykt. Og nú hefir frú Sæland rennt sér eins og blóðgrimmur og hungraður haförn á atvinnulausa og gert þeim skráveifu. Það er hálfs sona viðrinislegt af lögblindri konu sem barist hefir eins og tannlaust fjallaljón fyrir auma og öreiga. Eða var það ekki sagt? Barðist hún máske ekkert? Sennilega ekki.

Það er þá ekki nema von að Títa og Tugga vilji ekki sjá að hafa Sælandið og Sælendingana nálægt sér þegar fara að hitta horska pilta eins og Selénskí, Tromp og Góldmann-Saxxh töffarann í nýju atvinnustefnustjórninni. Það er nefnilega mottó, prínsjípp og siðaðra manna háttur hjá velgerðum samkvæmisdömum krataeðliskapítalismans að sniðgang hexi, sem gjöra aðför að atvinnulausum og öðrum þeim sem eiga um sárt að binda.

En fyrst minnst hefir verið hér á séra Atgeir p. Fjallabakssen, þá hefir það komið til tals á bysskubbsstofu svipta þennan orðlagða værðarklerk kjóli og kalli og henda honum á haugana fyrir að tala illa um trans úr predikunarstólnum við messugjörð síðastliðinn sunnudag. Hann var einnig grunaður um að hafa verið ölvaður þennan tiltekna dag og stolið messuvíninu úr musterinu eftir að hann hafi lokið embætti. Sagt er að bysskubbsritari hafi haft á orði að sona andskotans kallraskat ætti að höggva á spýtufjöl eins og kjúkling fyrir afglöp sem þessi. Ráðsmaðurinn á bysskubbsstofu bað ritarann hins vegar að gá að Guði og leyfa sér ekki annan eins munnsöfnuð um þjónandi höfuðklerk í sínu prófastsdæmi. En bysskubbinn sjálfur fór að blása tyggjókúlur og ropa eins og sauðnaut undir grindum.   

Helmingar næstum hámarkstímabil atvinnuleysisbóta