Andaðist eftir 4200 blaðsíðna geðkrabba.

Mikið var að þvættingurinn um Harry þennan Potter sé loks á enda. Mér segja fróðir menn, að samsetningur frú Rowlings um ónáttúrupésann Potter sé með slíkum ólíkindum, að venjulegu fólki verði iðulega bumbult að lesa 20 - 30 blaðsíður af þessum undursamlegu geðslegheitum, hvað þá meira. En fremur hafa fróðir menn sagt mér, að fjöldi fólks, einkum ungmenni, liggi vistuð á geðveikrahælum út um allan heim eftir að hafa fengið lestrareitrun af pottersögum. Hún er til dæmis ljót sagan af eiginkonunni og móðurinni á fimmtugsaldri sem brjálaðist í miðjum klíðum yfir Potter-bók milli jóla og nýárs árið 2004 og hefur síðan hafst við í spennitreyju á geðdeild Landspítalans að Kleppi.

En um síðir, eftir hræðileg afdrif fjölmargra lesenda, hefur kerlingarsnípunni Rowling loks hugkvæmst að binda endi á ófögnuðinn með því að taka viðrinð Harry Potter af lífi á síðustu blaðsíðu sjöundu bókar, en þegar þar kom sögu hafð potterkvkindið þraukað einar 4200 blaðsíður, heimsbyggðinni til ama og skelfingar. 

Harry Potter allur

Athugasemdir

[Ester Júlía, 21.7.2007 kl. 09:46]

Mikið er ég fegin að hafa gefist upp eftir nokkra blaðsíðna lestur fyrstu bókarinnar, miðað við lýsingar þínar .

[Þórdís Bára Hannesdóttir, 21.7.2007 kl. 10:06]

já segjum tvær

[Þórir Hrafn Gunnarsson, 21.7.2007 kl. 21:05]

Hvað ætli verði um þau grey sem slysast inn á þessa síðu og lesi þann þvætting sem hér er að finna?

Kveðjur :)

[Jóhannes Ragnarsson, 21.7.2007 kl. 22:00]

Ljóti giljagaurinn þessi Þórir Hrafn, að vera með læsta bloggsíðu. En sennilega hefur hann þann háttinn á af einskærri tillitssemi til að enginn slysist sér til tjóns inn á síðuna hans.

[Þórir Hrafn Gunnarsson, 22.7.2007 kl. 03:50]

Humm...

Síðunni var læst vegna þess að þar er ekkert bloggað lengur. Fannst alltof mikið vitleysingum byrjaðir að blogga á Moggablogginu síðasta hálfa árið eða svo.

Kveðjur :)

[Jóhannes Ragnarsson, 22.7.2007 kl. 09:42]

Alveg sammála Þórir Hrafn: það er eitthvað alvarlegt að gerast þegar fíflunum fjölgar mikið í kringum mann.

[Þorgeir Arnórsson, 23.7.2007 kl. 22:29]

Er það vegna þess að Rowling er að græða peninga á einfaldri hugmynd sem þú ert svona bitur eða er það eitthvað annað við bækurnar sem er að pira þig. Kannski eithvað sem gerðist í barnæsku eða skortur á samlífi. Því eins og þú ert búinn að viðurkenna, þá hefur þú ekki lesið bækurnar. Því tel ég þig óhæfan um að tjá þig um bækurnar og /eða höfundin.

[Jóhannes Ragnarsson, 23.7.2007 kl. 22:59]

Það mætti að þessi frú Rowling sé frænka þín, Þorgeir minn. Mitt ráð er að þú takir mig alvarlega þegar Potterinn er annars vegar og gerir mínar skoðanir á þessu máli að þínum, og látir þar við sitja.

[Þorgeir Arnórsson, 24.7.2007 kl. 09:13]

En það er einmitt málið það koma engar skoðanir hjá þér . Heldur er þetta allmennt skítkast á konuna. Spurning "Er þér illa við Potter bækurnar vegna þess að þú hefur lesið þær? Er það vegna þess að konan er að græða á öllu saman? eða er það vegna þess að þér finnst plottið í bókunum gott og övundinn yfir að hafa ekki skrifað bækurnar sjálfur er kominn upp."

Þú verður að koma með góð og gild rök fyrir máli þín svo að aðrir geti gert upp hug sinn hvort skoðanir þínar séu þess virði að gera þær að sínum. Almennt skítkast í allar áttir eru ekki rök. (því miður)

E.S. Nei þó ég glaður vildi þá er J.K.Rowling ekki frænka mínn