Það ber að leysa Sjálfstæðisflokkinn upp.

Þessi frétt bendir ótvírætt til þess, að auðvaldið sé á fullu við að undirbúa sig í að hremma orkufyrirtæki landsmanna. Stjórnmálaarmur auðvaldisins, Sjálfstæðisflokkurinn, telur eflaust að leiðin til að ræna orkufyrirtækjunum sé greið, þannig að umsvif peningaflanna á þessi sviði ætti svo sem ekki að koma á óvart. Og ekki er að sjá að hin nýja eign Sjálfstæðisflokksins, Samfylkingin, sé nokkur Þrándur í Götu einkavirkjunaráforma frjálshyggju- og peningalýðsins, nema síður sé - eða hvað?

Það skynsamlegast í stöðunni nú væri að leysa Sjálfstæðisflokkinn upp og banna starfsemi hans með lögum. Sjálfstæðisflokkurinn er nefnilega ekki neinn venjulegur stjórnmálaflokkur í venjulegum skilningi, heldur hagsmunatæki spilltrar atvinnurekendaklíku og forhertra fjármagnsafla.

Geysir Green kaupir Jarðboranir á 14,3 milljarða króna

Athugasemdir

[Þorkell Sigurjónsson, 1.8.2007 kl. 13:19]

Tek svo sannarlega undir þetta hjá þér Jóhannes þetta með íhaldið. Þessu meir undrar mann á hvað er í gangi miðað við t.d. skoðanakönnun sem sýnir 45%  fylgi þeirra í dag. Hefurðu einhverja skoðun á því Jóhannes?

[Sveinn Valdimar Ólafsson, 1.8.2007 kl. 13:36]

Hver ætlar að taka verkefnið að sér og hvað mun slíkur aðili heita á eftir?

kær kveðja

Sveinn

[Guðjón Sigþór Jensson, 2.8.2007 kl. 01:44]

Þessi fjárhæð er um 8% af þeim miklu fjármunum sem fóru beint út í hagkerfið á dögunum þegar stærsti hluthafinn í Actavis keypti út nánast alla aðra hluthafa út. Þá snarhækkaði markaðsverð fjölmargra fyrirtækja en lækkaði aftur þegar fjárfestar voru að finna út í hvaða fyrirtækjum hagkvæmast væri að fjárfesta.

Að þessu sinni er hluti hlutafjár greitt með hlutabréfum þannig að um millifærslu fjármuna er um að ræða. Afgangurinn 11 milljarðar fer væntanlega í að fjárfesta í fyrirtækjum með vanmetnum eignum eða þar sem koma má auðveldlega að hagræðingu í rekstri.

Mosa finnst sumir vera nokkuð orðhvatir um efni sem þeir virðast ekki hafa kynnt sér nægjanlega vel. Alla vega er nauðsynlegt að setja fram einhver haldbær rök fyrir fullyrðingum sem því miður verða stundum að teljast nokkuð  vafasamar. 

Mosi

alias

[Jóhannes Ragnarsson, 5.8.2007 kl. 10:14]

Það er engin leið, Þorkell, að útskýra hvernig á því stendur, að Íhaldið skuli ævinlega fá 40-45% fylgi í skoðannakönnunum. Sumir hlutir eru svo absúrd, að þeir eru óútskýranlegir.

Aftur á móti er Mosalingurinn heldur betur úti að skíta í sínum málalengingum. Fyrir honum er gróðabrall og arðrán eðlilegt framferði, sem sýnir svo ekki verður um villst hvar á vegi hann er staddur.