Ábyrgir strengjasveinar kvótaauðvaldsins.

Það er hreint með endemum hvað varðhundasveit kvótakerfisins í sjávarútvegi getur dottið í hug í viðleitni sinni til að hvítþvo aðfarirnar sem viðgengist hafa í Íslenskum sjávarútvegi síðasta aldafjórðuniginn, ránsskapinn, ránykrjuna, brottkastið og eyðibyggðastefnuna. Það var því ekki laust við að maður fengi óbragð í munninn og velgju, þegar fjórir strengjasveinar kvótaauðvaldsins birtust útbelgdir og með skítaglott á vör á sjónvarpsskjám landsmanna í kvöld, með penna að vopni og kváðust vera að skrifa uppá, sem ábyrgir menn, fyrir hönd þjóðarinnar, plagg þar sem þeir væru að bregast við auknum kröfum á erlendum fiskmörkuðum um staðfestingu þess að nýting íslenskra fiskistofna sé með ábyrgum hætti og í samræmi við afrakstursgetu þeirra.

Ja, þvílíkt og annað eins ...

... og ekki nema nokkrar vikur síðan tveir af þessum þokkapiltum urðu sér til skammar og háðungar í frægum Kompásþætti á Stöð 2, sem fjallaði um það sem hefur raunverulega verið að gerast í útgerðarbransanum frá því auðvaldið ákvað að hrifsa fiskveiðiauðlindina af alþýðunni á Íslandi. Þá vafðist þeim tunga um tönn og sveittir og stamandi stömuðu þeir út úr sér, að þeir vissu bara ekki um neitt misjafnt sem tengdist kvótakerfinu. Og ekki hafa þeir lært mikið síðan þeir voru kompásaðir, þeir Einar Kr. Guðfinnsson og Þórður Ásgeirsson fiskistofustjóri. En eins og menn vita þjónar Fiskistofa hlutverki hvítþvottastofnunar kvótakerfisins.

Umhverfislýsing fyrir íslenskar fiskveiðar

Athugasemdir

[Níels A. Ársælsson., 7.8.2007 kl. 22:53]

Góður jói. Sammála hverju orði hjá þér að venju.

[Hafsteinn Viðar Ásgeirsson, 8.8.2007 kl. 09:56]

Já ég er sammála Níels, þetta hefði vart verið betur orðað í stuttu máli...

[Sigurgeir Jónsson, 8.8.2007 kl. 12:31]

Glæpamenn hafa oft tilhneigingu til að hreykja sér af verkum sínum.Kompásþátturinn var gerður að frumkvæði slíkra manna.Einginn þarf að efast um að þeir munu halda áfram glæpaverkum sínum, ef þeir fá tækifæri til.Sem betur fer þá virðast þeir flestir vera á þurru landi núna, en auvitað þarf að ganga þannig frá löggjöf varðandi brot á lögum um stjórnun fiskveiða að glæpamennirnir geti ekki stöðugt byrjað aftur.

[Jóhannes Ragnarsson, 8.8.2007 kl. 12:35]

Það er auðséð hverra þjónn og kjaftatík Sigurgeir þessi Jónsson er.

[Hallgrímur Guðmundsson, 9.8.2007 kl. 02:20]

Það leynir sér ekki Jóhannes.