Utanbæjarlýður, upptjúnaður af fryggðarlosta.

Við þessa frétt er svo að bæta, að hinir þrír glæpsamlegu menn sem teknir voru í sólarhringsversluninni (skrítið orð ,,sólarhringsverslun) á Akureyri voru að sjálfsögðu utanbæjarmenn; aðkominn trantaralýður einhversstaðar úr afdölum Skagafjarðar- eða Þingeyarsýslu eða Guð veit hvaðan. Og auðvitað var þetta illþýði búið að láta að sér kveða svo um munaði þegar lögreglunni á Akureyri hugkvæmdist að taka það úr umferð. Mest höfðu þó utanbæjarmennirnir brúkað stuðbyssurnar á aumingja mannfólkið á Akureyri, einkum kvenfólkið sem kunni, merkilegt nokk, að meta hina aðkomnu stuðbolta, sem voru satt að segja upptjúnaðir og rafmagnaðir af fryggðarlosta, enda frumstæðir eins og Norðlendingum er títt.

Þrír handteknir í verslun á Akureyri; einn með barefli

Athugasemdir

[Ingibjörg Friðriksdóttir, 16.8.2007 kl. 08:57]

Þú ert svo reiður Jóhannes, að ég er að verða hrædd.  Þú minnir mig á pabba þegar hann sýndi neðri góminn.  Þá var hann alveg við að fjölsturlast.  Ég var víst svo helvíti óþekk á den.  Í dag er það  kallað ADHD.

Skil samt alveg þessa reiði, þoli ekki þjófa og annann óþjóðalýð, kann bara ekki öll þessi orð sem þú brúkar.