Skálmaldartilbrigið ,,Menningarnótt.

Svo er að sjá, að sem betur fer hafi heldur betur verið líf í tuskunum í miðbæ Reykjavíkur í nótt, og samkvæmt nýjustu heimildum logar enn í einhverjum gæðum. Ekki fer neinum sögum af framgöngu stjörnulögreglustjórans Stefáns Eiríkssonar eftir miðnætti. En svo er að sjá, að hann hafi þrotið örendið full snemma í bardaganum og dregið sig í hlé til að sleikja sár sín, eða hann hafi hreinlega fallið snemma nætur. Það er engum blöðum um að fletta, að þetta kostulega skálmaldartilbrigði, sem einhverjum grínaktugum kaldhæðnismönnum datt í hug að kalla ,,Menningarnótt Reykjavíkur" er, eins og til var stofnað, eitt alsherjar stór-generafyllirí og bakkusarblót, sanníslenskt og sjarmerandi.

Síðustu gestir Menningarnætur á leið heim

Athugasemdir

[Ingibjörg Friðriksdóttir, 19.8.2007 kl. 12:03]

Sagt er: Þeir síðustu verða fyrstir og ........

Þessi síðasta málsgrein „Það er engum bl............., sanníslenskt og sjarmerandi“ er skemmtilega orðuð og ég er henni svo hjartanlega sammála.

En, hvað ef það hefði verið rigning og rok?  Sanníslenskt en ég veit ekki hvursu sjarmerandi það hefði verið. 

[Gísli Friðrik Ágústsson (IP-tala skráð) 19.8.2007 kl. 12:24]

Tja, í þínum huga er ein menning rétthærri en önnur, eða hvað? Óttalegt menningarsnobb er þetta.

Þetta minnir mann á landsbyggðarfólkið sem talar af ótta um borgina ljótu þar sem fólk er svo ódannað og lyktandi af malbiki... 

[Jóhannes Ragnarsson, 19.8.2007 kl. 12:31]

Hvað ert þú að reyna að segja með þessu kommenti þínu Gísli minn Friðrik Ágústsson? Ég er stundum afar illa lesandi á rósamál og hálfkveðnar vísur umvafðar moðreyk og dalalæðu.

[Ingibjörg Friðriksdóttir, 19.8.2007 kl. 12:31]

Nú held ég að Gísli Friðrik sé eitthvað að misskilja. 

[Hildigunnur Rúnarsdóttir, 19.8.2007 kl. 12:45]

menningarnóttin var æði. Bæði fyrir og eftir flugelda. Skotið á lögreglustjórann var fyndið :D