Hinir flokksklíkuráðnu hæstaréttardómarar.

Mikið ósköp er það við hæfi hjá hinum flokksklíkuráðnu hæstaréttardómurum Ólafi Berki og Jóni Steinari að skila séráliti þess efnis, að þeir telji það ekki í verkahring Hæstiréttar að raða umsækjendum um dómarastöður við réttinn í hæfnisröð. Þeir klíkubræður við Hæstarétt virðast ekki svo skyni skroppnir að þeir sjái ekki, að þeir voru sjálfir ekki hæfir þegar Hæstarétti var þröngvað til að taka við þeim á sínum tíma með pólitísku ofbeldi. Það er ekki beint traustvekjandi þegar stjónvöld taka upp á að skipa hæstaréttardómara í pólitískum tilgangi. Ég er hræddur um að íhaldsslektið ræki upp grátþrungið vandlætingarramakvein ef félagi Hugo Chaves í Venusúela gerði eitthvað viðlíka.  

Þrír hæfastir í Hæstarétti

Athugasemdir

[Bragi Þór Thoroddsen, 25.8.2007 kl. 20:41]

Þetta er kómík engri lík hjá þessum háttvirtu dómurum.  Skammtímaminni þeirra er með ólíkindum.  Gullfiskar sem hafa ekki snefil af því sem maður myndi kalla í daglegu tali siðferðiskennd.

Réttlætiskennd annars ágæts Jóns Steinars, sem eitt sinn deildi á dómarana, er óskýr fortíð.

Annars er ég á því að allir þessir 3 séu mjög hæfir, verður missir af þeim við kennslu í HÍ ef þeir verða ráðinir, einhver þeirra.

vcd

[Gunnar Th. Gunnarsson, 25.8.2007 kl. 21:38]

Þú ert voðalega reiður maður Jóhannes og sérð spillingu í hverju horni. Betra að taka bara efnislega afstöðu til málsins en að vera með svona.

[Jóhannes Ragnarsson, 25.8.2007 kl. 21:57]

Ég er ekki sammála því að ég sé voðalega reiður maður, er m.a.s. ofast í þokkalega góðu skapi. En ég hef heilmikla réttlætiskennd og mér býður við hræsni, tvískinnungi, fláttskap, hroka og græðgi svo eitthvað sé nefnt. 

[Gunnar Th. Gunnarsson, 25.8.2007 kl. 22:01]

Gott og gilt að vera á móti þessu öllu....en þetta er ekki efnisleg afstaða til málsins

[Jóhannes Ragnarsson, 25.8.2007 kl. 22:10]

Ha ... hvað er ekki efnisleg afstaða? ... að Ólafur Börkur og Jón Steinar hafi verið gerðir að hæstaréttardómurum á flokkspólitískum grundvelli?

[Herbert Guðmundsson, 25.8.2007 kl. 23:07]

Þetta er afskaplega þreytt en jafnframt fyndin umræða, um pólitíska skipan hæstaréttardómara. Hvenær hefur hún ekki verið pólitísk en jafnframt fagleg? Þetta er bara það fyrirkomulag sem áskilið er.  Veistu til þess, Jóhannes, að skipaðir dómarar Hæstaréttar séu óhæfir sem slíkir og dæmi pólitískt - eða ertu bara með svona óttalega fóbíu í pólitíkinni og svona fordómafullur í mannlífinu?

[Omega3, 26.8.2007 kl. 00:55]

Ég tek undir með Gunnari og Herberti. Það má kannski benda á að þeir Jón Steinar og Ólafur Börkur eru ekki að taka afstöðu gegn þeim þremur sem samdómarar þeirra telja hæfasta. Þeir eru mun fremur sýnist mér að gagnrýna óeðlileg afskipti Hæstaréttar af ráðningu samdómara.

Ég held líka að það sé nokkuð sama hvaða afstöðu þeir hefðu tekið til málsins, þeir verða alltaf til sem sjá skrattann og samsæriskenningar í hverju horni.

[erlahlyns.blogspot.com, 26.8.2007 kl. 02:50]

Ég vona að hér sé enginn að gefa í skyn að dómsmálaráðherra, sá hinn sami og sagði jafnréttislög barn síns tíma, sé ekki hæfur að einhverju leiti.

[Jóhannes Ragnarsson, 26.8.2007 kl. 08:04]

Já Herbert minn Gðmundsson, ég get nefnt þér tvo skipaða hæstaréttardómara sem eru öldungis óhæfir til starfans. En þar á ég við þá kumpána Ólaf Börk og Jón Steinar.

[Jón Gunnar Ásbjörnsson (IP-tala skráð) 26.8.2007 kl. 17:53]

Ég er ósammála þér að Jón Steinar sé óhæfur dómari. Þótt skipun hans hafi verið vafasöm tel ég hann alls ekki óhæfan. Ég veit samt ekki með Ólaf Börk.