ESB-þráhyggja Samfylkingarinnar.

Ja lítið er geð guma á þingi Starfsgreinasambandsins, ef það er forgangsverkefni þessa þings að hlaupa á eftir ESB-þráhyggju Samfylkingarinnar. Það kom svosem engum á óvart að hægri-kratadindillinn í formannsstóli Starfsgreinasambandsins eyddi drjúgum hluta setningarræðu sinnar í þessa hvimleiðu þráhyggju, en að þingið tæki í mál að samþykkja þetta kjaftæði er með endemum og tekur út yfir allan þjófabálk. Hvað ætli starfsgreinaforinginn og hans dót gefi eftir í næstu kjarasamningum verkafólks í staðin fyrir að ríkisstjórin skipi nefnd til að kanna áhrif á upptöku evru og aðild Íslands að ESB? 

Mikilvægt að kannað verði hvort ESB og evra þjóni hagsmunum Íslands

Athugasemdir

[Kári Harðarson, 5.10.2007 kl. 16:38]

Þú kemur ekki með nein rök á móti því að ræddir verði kostir og gallar þess að ganga í ESB en það var það sem sambandið vildi gera, skilst mér á fréttinni.

Það eina sem ég les úr skrifunum er að  þú eigir persónulega harma að hefna við formann starfsgreinasambandsins, annars er ég engu nær.

[Jóhannes Ragnarsson, 5.10.2007 kl. 17:58]

Gættu að því Kári Harðarson, að það er hverfandi áhugi fyrir ESB á Íslandi, ef frá eru taldar fáeinar hugsjónalausar krataskjátur með þráhyggju. Hvað formann Starfsgreinasambandsins varðar, þá er skömm að því fyrir verkafólk á Íslandi að hafa slíkann mann í forsvari fyrir sig. Mann sem á umliðnum árum hefur ítrekað staðið vísvitandi að klofningi samtaka verkafólks. Og hana nú !