Mætið með lurka og gasgrímur í Ráðhúsið á morgun

Það er mér bæði ljúft og skylt, að hvetja þá Reykvíkinga sem ætla fjölmenna á aukaborgarstjórnarfundinn á morgun, að hafa með sér lurka og gasgrímur og vera þess viðbúnir að Gúttóslagurinn góði frá 1932 endurtaki sig. Til fróðleiks, er rétt að geta þess að í nefndum Gúttóslag tóku verkamenn í Reykjavík eftirminnilega í lurginn á þáverandi bæjarstjórn, með þeim góða árangri að bæjarfulltúarnir þorðu ekki öðru en að falla frá smásálarlegr aðför sinni að verkafólki sem starfaði í ,,atvinnubótavinnu" á vegum Reykjavíkurbæjar. Í annálum ef frá því greint, að í Goodtemplarhúsinu hafi verið ófagurt um að litast eftir fundinn. Hver einasta rúða var mölbrotin. Húsmunir í salnum flestir brotnir og bramlaðir, og grindur þær, sem verið höfðu milli bæjarstjórnar og áheyrenda, nálega horfnar. Nú er bara að sjá hvernig Ráðhúsið verður útleikið eftir fundinn á morgun ! 

Aukafundur í borgarstjórn á morgun

Athugasemdir

[Níels A. Ársælsson., 9.10.2007 kl. 20:21]

Ég mæti með stóru ísöxi og merkjabyssu föður míns.

[Jóhannes Ragnarsson, 9.10.2007 kl. 20:47]

Sú ágæta merkjabyssa, man ég að var notuð gegn breskum og rússneskum togararuddum með góðum árangri. Það var engin meðal upplifun að verða vitni að þegar sá gamli kom þjótandi eins og eldibrandur út á brúarvæng með merkjabyssuna og hóf skothríð á viðkomandi togara sem útlit var fyrir að ætlaði að ösla með trollið yfir línuna okkar. 

[Jóhannes Ragnarsson, 9.10.2007 kl. 21:12]

Þeir yrðu aldeilis frýnilegir útlits, Energí Rei strumparnir, ef að þeir fegju, þó ekki væri nema meðalsendingu, úr merkjabyssu Áræls Egilssonar beint í trýnin á sér. En ég er ansi hræddur um, að pólitískum umsvifum þeirra yrði blessunarlega lokið ef þeir eftir þessháttar útreið.