Efnilegt möppudýr í hópmálssóknarúrræðum

Það er aldeilis efnilegur ungur maður þessi Gísli Tryggvason, sem sagður er talsmaður neytenda. Eins og upprennandi möppudýri sæmir, þá er þessi talsmaður neytenda með öllu óskiljanlegur, ef marka má meðfylgjandi fréttaklausu. Ég verð að viðurkenna að ég var t.d. all langan tíma að klóra mig í gegnum fyrirsögnina: ,,Hópmálssóknarúrræði skortir." -Hverskonar munnsöfnuður er þetta eiginlega, sagði ég við sjálfann mig og fletti upp orðabók til að leita að ,,hópmálssóknarúrræði" en varð engu nær. En hraðbrautir fagmenntaðra möppudýra eru órannsakanlegar, ekki síður en vegirnir hans Guðs, og því verð ég að sitja uppi með skilningsleysi mitt á ,,hópmálssóknarúrræðinu", sem í mínum eyrum hljómar eins og djöflaþýska af svæsnustu tegund. 

Hópmálssóknarúrræði skortir

Athugasemdir

[Fransman (IP-tala skráð) 10.10.2007 kl. 11:39]

"Class Action Lawsuit" , ég held að það hafi flestir skilið þetta.

[Jóhannes Ragnarsson, 10.10.2007 kl. 12:21]

Ég verð að viðurkenna að ég hef aldrei séð eða heyrt orðskrípið ,,hópmálssóknarúrræði" áður og efa að ,,flestir" skilji það. Við lestur greinarinnar tel ég mig þó hafa náð því hvað við er átt. En það breytir engu um, að nýyrðasmíði á borð við umrætt orðskrípi, er þess eðlis, að það er varla hægt að hlægja að því.

[Fransman (IP-tala skráð) 10.10.2007 kl. 13:33]

þetta er haft efir honum, þannig að hann skrifaði þetta líklega ekki.

"Class Action Lawsuit" *er* hóp málssókn, þannig að hann hefur etv sagt "hóp málssóknar úrræði", en fréttamaðurinn ákveðið að skella þessu í eitt orð.

Ef þú hefur einhverja hugmynd um hvernig hann hefði getað orðað þetta betur þá væri etv ekki vitlaust að þú settir hana hérna inn ?